Merkezê Xeberan - Parlamentoyê Tirkîya qanûnê efûyî qebûl kerd û bi no qayde do 90 hezar hepsî hepisxaneyan ra serbest bêrê veradayîş.

Parlamentoyê Tirkîya vizîr ame pêser û semedê qanûnê înfazî ke semedê tedbîrê vera virusê Korona amo meclîs mişêwre kerd. Kombîyayîş heta nîmê şewe dewam kerd. 330 parlamenterî beşdarê raydayîşî bîyî û bi rayanê 279 parlamenterê ke zafê înan endamê AK Partî û MHP bî qanûn ame qebûlkerdiş..

Gorê qanûnê înfazî 90 hezar tenî do hepisxaneyan ra bêrê azadkerdiş la mîyanê înan de hepsîyê sîyasî çîn yê.

Rojnamegerî, nuştoxî û sîyasetmedarê ke erzîyay hepisxaneyan do nê qanûnî ra  feyde nêgîrê.

HDP, CHP û IYI Partî zî desteg nêdayê nê qanûnî.