• Diyarbakır 34 °C
  • Batman 36 °C
  • Hakkari 27 °C
  • Şırnak 32 °C
  • Ağrı 16 °C

Parlamentoya Elmanyayê: Tirkiye sivîlan dikuje!

Parlamentoya Elmanyayê: Tirkiye sivîlan dikuje!
Parlamentoya Almanyayê operasyona artêşa tirk a li hemberî Efrînê hat nirxand. Hemû partiyên alman ragihandin ku operasyona leşkerî ya Tirkiyeyê li dijî hiqûqa navneteweyî ye.

Li Parlamentoya Almanyayê operasyona artêşa tirk a li hemberî Efrînê hat nirxandin. Hemû partiyên alman ragihandin ku operasyona leşkerî ya Tirkiyeyê li dijî hiqûqa navneteweyî ye. Herwiha muxalefetê, ji bo hikûmeta Almanyayê bertekên tund nîşanî operasyonê Tirkiyeyê nekir ew rexne kir.

Li gor nûçeya DW Tirkî li ser daxwaza Partiya Çep a Almanyayê li parlamentoyê operasyona leşkerî ya Tirkiyeyê li hemberî Efrînê hat nirxandin.

Nûnerê Partiyên Xrîstiyan CSU/CSU Roderich Kiesewetter di axaftina xwe ya parlamentoyê de got: "Ji bo ku li hemberî Tirkiyeyê ti êriş pêk nahatiye û plansaziyek tineye, operasyona li hemberî Efrînê li dijî hiqûqa navneteweyî ye. Nûnerê Partiya Demorat a Civakî (SPD) Dagmar Freitag jî di axaftina xwe de got: "Ez jî tevlî axaftinên Kiesewetter dibim. Operasyona Tirkiyeyê li dijî hiqûqa navneteweyî ye."

Hevseroka Partiya Çep Katja Kipping jî di axaftina xwe de operasyona leşkerî ya li dijî Efrînê şermezar kir û got: "Artêşa tirk li Efrînê sivîlan dikuje, lê Serokwezîr Angela Merkel bêdeng e. Bêdengiya we çokşikandina li hemberî Erdogan e. Vê bêdengiyê bi dawî bînin û hemû plan û hevkariyên xwe yên leşkerî bi Tirkiyeyê re rawestînin."

Ev nûçe 615 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din