• Diyarbakır 0 °C
  • Batman 1 °C
  • Hakkari -3 °C
  • Şırnak 0 °C
  • Ağrı -9 °C

Panela Baroya Dîyarbekirê bal kişand!

Panela Baroya Dîyarbekirê bal kişand!
Baroya Dîyarbekirê bi navê‘Di çerçeweya hiqûqa îdarî û cezayî de Rewşa Awarte û Biryarnameyên di Hukimê Qanûnê de’ panelek li dar xist.

Di 16.11.2016an de di salona Konferansa DESOB de, Baroya Dîyarbekirê bi navê ‘Di çerçeweya hiqûqa îdarî û cezayî de Rewşa Awarte û Biryarnameyên di Hukimê Qanûnê de’ panelek li dar xist. Bi taybet awûqat û hiqûqnas eleqeyekê germ û girseyî nîşanê panalê dan.

Panel bi moderatorîya serokê Baroya Dîyarbekirê Ahmed Ozmen de hat birêvebirin û Prof. Dr. Metîn Gunday ê mamosteyê Uniwersîteya Enqerê ya Fakulteya Hiqûqê, Doç. Dr Kerem Altinparmak ê mamosteyê ilmê Siyasî ya Zanîngeha Enqerê û Parêzera Baroya Stenbolê awûqat Aynûr Tûncel Yazgan bêşdarê panelê bûn.

Mijara panelê, piştî 15ê Tîrmehê ya hewildana darbeyê; îlankirina Qanûna Rewşa Awerte û Biryarnameyên di Hikmê Qanûnê de, di hiqûqê de çawa dihên şîrovekirin û teysandina wan çi ne.

Di panelê de li ser rewşa girtin û binçavkirinên şaradar û siyasetmedarên Kurd jî hat rawestandin. Di axaftinên panelîstan de hat dîyarkirin ku, biryarnameyên ku di rewşa awarte de hatine derxistin, têkilîya wan bi hiqûqê re tuneye û di rewşa awarte de lêpirsên û lêgerîna mafên hiqûqî ne pêkan e. Panel bi pirs û bersivan dawî bû.

img_7249.jpgimg_7239.jpg

Ev nûçe 1276 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din