Panel li ser nexş, dîn, mezheb, tarîx û zaravayê zazakî

Panel li ser nexş, dîn, mezheb, tarîx û zaravayê zazakî

Li Kitêbxana Kurdî li ser kurdên Zaza panelek hat dayîn. Mehmed Selîm Uzun li ser dîroka kurdên Zaza û erdnîgariya wê, li ser gruba xebatê ya zazakî û kovara VATE Îhsan Espar axivî.

A+A-

Roza Kurd /Rûpela Nû-Stockholm

Li Pirtûkxaneya kurdî ya Stockholmê, li ser rewşa kurdên kirmanc/zaza û li ser zaraveya kirmanckî/zazakî panelek li dar ket. Panel ji aliyê Komeleya Nivîskarên kurd li Stockholmê hatibû amadekirin.

Mehmed Selim Uzun li ser di dîrokê de Kurdên zaza, cografya ku têde dijîn, dîn û mezheb, tarîx û rewşa kurdên zaza û zaravayê zazakî, bi berfirehî axivî. Kurdên Zaza li gor herêman, xwe weha bi nav dikin: Kirdkî, Kirmanckî, Dimilkî, zazakî. Uzun her weha li ser di tekoşîna netewî û demokratik de cîh û rola rewşenbîr û siyasetmedarên kurdên zaza mîna Şêx Seîdê Paloyî, Yado, Nureddin Zaza, Said Elçî û gelekên din û rola wan axivî.

 

zazakipanel2.jpeg

Li ser gruba xebatê ya zazakî û kovara VATE ku bi zazakî derdikeve, Ihsan Espar axivî.

Li ser rewşa zaravayê zazakî gelek pirs hatin kirin û hat gotin ku zazakî di listeya UNESCO de di nav zaravayên di xeterê de ye. Beşdaran gelek pêşniyar kirin û gotin ku divê panelên weha werin lidarxistin bo ku guhê mirov hînî zaravayên kurdî bibe û li ser rewşa zaravayê Zazakî were rawestandin.

Hate gotin ku heger zaravayê zazakî di nav malbatan de neyê xeberdan ziman wê neyê xelaskirin.

Ev nûçe 274 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin