Merkezê Xeberan- Partîya Sosyalîst a Kurdistanî (PSK) û Partîya Azadîya Kurdistanî (PAK) bi minasebetê Serrgêra Ronayîşê Komara Kurdistanî ya Mehabadî Ame de panelêk tertîp kerd.

Panel Amed de Odeya Muhasebecî û Malî Mûşavîran de ame dayîş. Gelek sîyasetmedarî, nuştoxî, ronşvîrî, endamê PAK û PSKî û welatî beşdarê panelî bîyî.

Panel bi seba şehîdanê Kurdistanî rêzgîrewtiş dest pêkerd.

Moderatorê panelî Ahmed Kanî bi kilmî derheqê panelî de qisê kerd. Qalîkerdişê Kanî ra dima Serekê Partîya Sosyalîst a Kurdistanî (PSK)Mesut Tekî qisê kerd. Mesûd Tekî behsê dîyalogê Komara Kurdistanî bi Sovyetan kerd.

Mesut Tekî ra dima cigêrayox û nuştox Tahsîn Sever qisê kerd. Severî eleqe ant dîyalogê mabênê Komara Kurdistanê bi Tirkîya, Îran û welatanê Rojhilatê Mîyanînî kerd.

 Severî dima cigêrayox û nuştox Seîd Verojî qisê kerd û behsê kultur, edebiyat û hûnerê Komara Kurdistanî kerd.

Endamê Komîteya Îdarekere ya Merkezî ya PAKî Vahit Abayî zî behsê Qazî Mihemedî û wasîyetê ey kerd.

Qalîkerdişan ra dima panel bi pers û cewaban dewam kerd.

Beşdarvanan qisêkerdoxan û her di partîyan rê sipas kerd.