PAK û PSK: Ganî şer vindero û çalakîyê çekdarî peynî biê

PAK û PSK: Ganî şer vindero û çalakîyê çekdarî peynî biê

PAK û PSK: Aşkereyo ke, Bakurê Kurdistanî û li Tirkîya de çareser kerdişê mesele û meseleyan de, şer û hêrişî û çalakîyê çekdarî vernîya metod û amûrê sîyasî, demokratîk û sivîl gênê. Şer û çalakîyê çekdarî meselyê ke estê hîna têmîyan û xorîn kene.

A+A-

PAK (Partîya Azadîya Kurdistanî) û PSK (Partîya Sosyalîst a Kurdistanî): Aşkereyo ke, Bakurê Kurdistanî û li Tirkîya de çareser kerdişê mesele û meseleyan de, şer û hêrişî û çalakîyê çekdarî vernîya metod û amûrê sîyasî, demokratîk û sivîl gênê. Şer û çalakîyê çekdarî  meselyê ke estê hîna têmîyan û xorîn kene.

 

Merkezê Xeberan

“Roja 08.04.2020î de qezaya Pasûrî ya Amedî de, demê vîyartişê otomobîla karkeranê daristanî de, teqayîşêk qewimîyabi û teqayîş de 5 sivîlî dinyaya xo xo bedilnabî. Başkêşo ke no hêriş demo ke amêne waştiş ke wa pêro hepsîyê sîyasî bieşkê bedilnayîşê Qanûnê Înfazî ra feyde bigîrê de ameyo kerdene û no zî hetê zaf qismanê komelî ra îfade beno. 

 

No teqayîşo ke Pasûr de bîyo û bîyo sebebê kişyayîşê 5 sivîlan, newe ra muhîmî û lazimtîya vindarnayîşê şerî û qedîyayîşê çalakîyê çekdarî ardo verê heme hetanê mesulan.

 

Ewro heme dinya de merdimatî vera corona vîrusî mîyanê seferberîyêka hempare de ya. Semedo ke wa her kes keyeyanê xo de bimano her welat de vengdayîş beno. Halêkê winasî de, dewamîya şerî û çalkîyê çekdarî, nîşanê danê ke, hîna zî muhîmîya xeterîya corona vîrusî nêameya fehm kerdiş û hîna zî Dewleta Tirkîya bi israr wazena meseleya Kurd û Kurdistanî esasê sîyasetê şerî ser o çareser bika.

 

Belê, nika demê vindarnayîşê  şerî û peynî ardişê çalakîyê çekdarî yo. Ganî heme hetê mesulî  goş bidê çîyo ke wîcdan û zerrîya bi milyonan merdiman ra vîyareno ser.

 

Ganî Dewleta Tirkîya ca de peynîya şer û hêrişanê xo bîyaro û ganî PKK zî ca de peynîya çalakîyanê xo yê çekdarîyan bîyaro, adirbest îlan biko.

 

Aşkereyo ke, Bakurê Kurdistanî û li Tirkîya de çareser kerdişê mesele û meseleyan de, şer û hêrişî û çalakîyê çekdarî vernîya metod û amûrê sîyasî, demokratîk û sivîl gênê. Şer û çalakîyê çekdarî  meselyê ke estê hîna têmîyan û xorîn kene.

 

Seba na rastîye zî, çareserîya bi rayîrê dîyalogî û bi rayîr û raybazê aştîyane, şarê ma menfietê ci esto.Û ma na bawerîye de yê ke, vindarnayîşê şerî û peynî ardişê çalakîyê çekdarî, do bibo destpêkê çareserî.

 

Heme îmkanê eskonomî yê ke semedê şerî yenê xerc kerdnee, ganî vera tehlûkeyê Corona Virusê bêrê xebitnayîş”

 

11.04.2020

 

PAK (Partîya Azadîya Kurdistanî)

PSK (Partîya Sosyalîst a Kurdistanî)

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin