PAK: Şexsîyeta Qazî Mihemed, hişmendîya Kurdistanî pêşkeşî me dike

PAK: Şexsîyeta Qazî Mihemed, hişmendîya Kurdistanî pêşkeşî me dike

Bi hilkefta 72yemîn salvegera sêdarkirina Pêşewa Qazî Mihemed û hevrêyên wî, Partîya Azadîya Kurdistanê (PAK) belavokek belav kir.

A+A-

Di belavoka ku ji alîyê Buroya Çapemenî û Ragihandinê ya PAKê ve ji Rûpela Nû ra hatî şandin da wisa hat gotin:

qazi-2.jpg

"PAK (Partîya Azadîya Kurdistanê):

Em Pêşewa Qazî Mihemed û hevalên wî bi giramî bi bîr tînin

Serokomarê Komara Kurdistanê Pêşewa Qazî Mihemed û hevalên xwe di roja 31.03.1947an de li bajarê Mehabad ê Rojhilatê Kurdistanê, li Meydana Çarçirayê, ji alîyê Dewleta Îranê ve hatin darvekirin.

Jiyan, helwest, şexsîyet û wasîyet û parastinnameya li mahkemê ya Pêşewa Qazî Mihemed di eslê xwe de rêbaz û hişmendîya Kurdistanî pêşkêşî me dike.

Wasîyet û parastinnameya Pêşewa Qazî Mihemed ji bo îro jî wazîfeyên me yên netewî û dîrokî nîşanî me didin.

Gelê Kurdistanê dê Pêşewa Qazî Mihemed û şehîdên Kurdistanê ji bîr neke.

Helwesta Pêşewa Qazî Mihemed ya bi rûmet û nesîhetên wî îro jî di têkoşîna azadîya Kurdistanê de rêya me rohnî dike.

Em di 72yemîn salvegera darvekirina wan de Pêşewa Qazî Mihemed û hevalên wî û hemû şehîdên Kurdistanê bi giramî bi bîr tînin. 31.03.2019

Buroya Çapemenî û Ragehandinê ya PAKê"

Ev nûçe 213 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin