PAK: Qoser û Dêrik de birnayîşê ceyranê 200 dewan sûcê merdimayî yo

PAK: Qoser û Dêrik de birnayîşê ceyranê 200 dewan sûcê merdimayî yo

PAK (Partîya Azadîya Kurdistanî): No demo ke krîzê îktîsadî sewîyeya tew berz de yo de, demo ke dinya de se hezaran merdimî virusê korona ra mirenê de, Dewleta Tirkîya elektrîkê 200î ra zêdêr dewan birnena û şarê ê dewan bê awe verdena.

A+A-

 

PAK (Partîya Azadîya Kurdistanî):

Dewleta Tirkîya 200î ra zêdêr dewanê qezayanê Qoser û Dêrikî  de 21 rojan ra zêdeyo ke ceyranê şarê ma birnayo. Rîyê birnayîşê ceyranî ra awa 200 dewan zî ameya birnayîş.

 

No demo ke heme dinya de merdimayî pîya vera corona vîrusî şerêko pîl dana de, demo ke seba tedbîranê tehlûkê corona vîrusî lazimtîya awe  û hîjyenî esta de, Dewleta Tirkîya şarê ma yê 200î ra zêdê dewan bê elektrîk û bê awe verdaya.

 

No demo ke krîzê îktîsadî tesîrêko xirab pêroyê komelî keno de, birnayîşê ceyranî barê dewijan des qat zêdêr kerdo.

 

Dewleta Tirkîya mabênê  citkaranê Bakurê Kurdistanî û citkaranê Herêmanê Trakya, Edene û Ege yê  Tirkîya de cîyayî kena.  O pereyo ke seba ceyranî citkaranê Dêrikî û Qoserî ra yeno waştiş, citkaranê Trakya, Edene û Ege yê Tirkîya ra di qat zêde yo. Na zî neheqî ya, zilm o û cit standartî yo.

 

Demêko winasî de elektrîk ameyo birnayîş ke, xele wextê resayîşî de yo û birnayîşê elektrîkî qalîteyê genimî kêmî keno. Heto bîn ra eke elektrîk nêro veradayîş, qasê cayêkê 4 milyon dekarî de sey berhemê diyînî do citkarî nêeşkê gilgil ( lazût) arê bidî. No zî do herême de bibo sebebê krîzêko bîn.

 

No demo ke krîzê îktîsadî sewîyeya tew berz de yo de, demo ke dinya de se hezaran merdimî virusê korona ra mirenê de, Dewleta Tirkîya elektrîkê 200î ra zêdêr dewan birnena û şarê ê dewan  bê awe verdena. No sûcê merdimayî yo.

 

Dewleta Tirkîya gere ca de fek birnayîşê elektrîk û awa dewijanê Qoserî û Dêrikî ra verado.

 

Heme partîyê sîyasî, dezge, hêz û kesayetê ke heqanê merdiman pawenê, azadîwaştox û pawitoxê edaletî û heme dezgeyê weşîye yê Kurdistanî, Tirkîya û dinya gere vengê xo berz bikê û vernîya na neheqîya Dewleta Tirkîya bigîrê.

 

05.06.2020

 

Buroya Çapemenî û Têkilîye ya PAKî

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin