PAK: Ma teslîmkerdiş û dardekerdişê Mistefa Selîmî  şermezar kenê

PAK: Ma teslîmkerdiş û dardekerdişê Mistefa Selîmî şermezar kenê

PAK (Partîya Azadîya Kurdistanî): Ma keyeyê Mistefa Selîmî û şarê xo rê zî serweşîye wazenê.

A+A-

 

“Mistefa Selîmî yo welatperwero Kurd seba ke pêşmerge bi 17 serrîyo ke zindan de maneno.

 

Mistefa Selîmî roja 27ê adara 2020î de, desan hepsîyan dir pîya, xoverrodayîşê hepsîyan de, xo Zindanê Saqizî ra xelisnayo û xo resnayo  sînorê Başûrê Kurdistanî.

 

La çi heyf ke gorê tay malumatê ke amê vilakerdene, Mistefa Selîmî vîyartişê Başûrê Kurdistanî ra dima, çend rojan ra dima, hetê tay kesanê Asayîşê Pêncewînî ra teslîmê Hêzanê Pasdaranê Îranî bîyo.

 

Badê zî Mistefa Selîmî roja 11.04.2020î de Zîndanê Seqizî de hetê Dewleta Îranî ra ameyo dardekerdene.

 

Hûkmatê Herêma Kurdistanî beyanatê xo yê resmî de aşkere kerdo ke, derheqê teslîmkerdişê Mistefa Selîmî de zanayîşêkê înan çîn yo û bi fermanê Serekwezîrê Hûkmatê Herêma Kurdistanî heyetêk ameyo ronayene ke na mesela ser o cigêrayîş biko.

 

Mistefa Selîmî  wexto ke vîyarto Başûrê Kurdistanî, kam yan zî kamî bi çi sebeb ra û bi çi qayde, Mistefa Selîmî teslîmê Rejîmê Îranî kerdê,  ma înan şermezar kenê.

 

Ma hetkarîya na gama  Serekwezîrê Hukmatê Herêma Kurdistanî kenê ke no heyeto ke semedê na mesela wazîfedar kerdo û ma hêvî û waştiş kenê ke, wa demêkê nêzdî de no cîgerayîşê heyeto ke amo ronayene temam bibo û netîce aşkere bibo. Û Mistefa Selîmî hetê kamî ra teslîmê Rejîmê Îranî amo kerdene, gere gorê yasayanê Herêma Kurdistanî ê kesê sûcdarî ceza bigîrê.

 

Ma semedê dardekerdişê Mistefa Selîmî Dewleta  Îranî şermezar kenê. Dewleta  Îranî do bi dardekerdenan, bi qetlîaman, bi binpay kerdişan û çîne hesibnayîşê  heme heq û azadîyanê miletê Kurd do nêeşko vernîya dewaya azadîya şarê ma yê Rojhilatê Kurdistanî bigîro.

 

Ma keyeyê Mistefa Selîmî û şarê xo rê zî serweşîye wazenê.”

13.04.2020

 

Buroya Çapemenî û Têkilîye ya PAKî

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin