PAK: Ma Seyîd Rizayî û embazanê ey bi hurmet yad kenê

PAK: Ma Seyîd Rizayî û embazanê ey bi hurmet yad kenê

Partîya Azadîya Kurdistanî (PAK): Serrgêra 82ine ya qetilbîyayîşê înan de, şexsê Seyîd Rizayî de ma heme şehîdanê Kurdistanî bi rêz û hurmet yad kenî.

A+A-

“82 serrî verî roja 15.11.1937 de rayvero qehreman yê xoverrodayîşê Dêrsimî Seyid Riza û 6 embazê ey Elezîz de Meydanê Ereseya Genimî de bi şeklo zalimane ameyê îdamkerdene. 

 

Dewleta Tirkîya va qey ez bi kiştişê Seyîd Riza û lajê ey Resik Huseyin, Husênê Demenanî, Hesen û Seyîd Husênê Qureyşanî, Elîyê Kalanî û Findik Axayê Yûsifanî, şarê Kurd o  qedîm û wayîro kulturêko bihêz qir bikî û çine bikî. 

 

Dewleta Tirkîya bi deshezaran cinî, doman û kal û pîr da guleyan ver gulleyan û qetl kerd. Bi vatişê kesê ke şahîdê qetlîamê bîyê, bi jehrê merreyan şarê ma amo qirkerdede. La Dewleta Tirkîya sey Şêx Seîd û hevalanê ey, cayê mezelanê Seyîd Riza û hevalanê ey zî temernaya û heta ewo zî cayê mezelanê înan nêno zanayîş. 

 

Helbet ke têkoşînê azadîya Kurdistanî bi qetlîam û jenosîdan nêvinderta. Tornê Şêx Seîd, Seyid Riza, Xalid Begê Cibrî, Îhsan Nûrî Paşa, Qazî Mihemed, Mele Mustafa Barzanî ewro zî bayraqa têkoşînî her çar perçeyanê Kurdistanî de bi gonîya şehîdan, bi ked û xebata bi zerrî ya welatperweran her berz kenî û aver benî. 

 

Serrgêra 82ine ya qetilbîyayîşê înan de, şexsê Seyîd Rizayî de ma heme şehîdanê Kurdistanî bi rêz û hurmet yad kenî.”

 

 15.11.2019 

 

Buroya Çapemenîye û Têkilîye ya PAKî

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin