PAK: Ma kişyayişê Emîn Îsa şermezar kenê, ganî kiştoxê ey bêrê aşkere kerdiş

PAK: Ma kişyayişê Emîn Îsa şermezar kenê, ganî kiştoxê ey bêrê aşkere kerdiş

.

A+A-

PAK(Partîya Azadîya Kurdistanî): Ma kişyayîşê Emîn Îsa şermezar kenê, ganî kiştoxê ey bêrê aşkere kerdene

"Gorê agahdarîyê ke vila bîyê, Rojavayê Kurdistanî de ciwanêko Kurd o bi namê Emîn Îsa, ke endamê Partîya Demokrat a Kurdistan–Sûrîye (PDK-S) bi, zindanê Hêzê Sûrîyeya Demokratîke (HSD) de pê îşkence ameyo kiştiş.

Her çî ra ver, gere mesul, faîl û kiştoxê nê îşkence û kiştişî cade bêrê aşkere kerdene û bêrê ceza kerdene.

La semedo ke no kiştiş zindanêkê HSDyî de qewimîyayo, mesûlîyetê nê cînayetî keweno ser milê HSD û Rayberîya Xosere.

Semedo ke no îşkence û kişyayîşê Emîn Îsa bêro roşnîkerdene û mesûlê nê kişyayîşî bêrê ceza kerdene, ganî ENKS û PYNK bi yew helweste nê kişyayîşî şermezar bikê û şêrê ser mesela.

Rojavayê Kurdistanî de îşkencekerdiş û hepisxane de kiştişê merdimêkî nêno qebûlkerdiş. Eger kesêko welatperwer semedê fikir û xebata xo ya sîyasî bêro tepiştiş, ci rê îşkence bêro kerdiş, bêro kiştiş, no eybêko pîl o.

Siyasetê tepiştişî, îşkencekerdişî û kiştişê merdiman zerar danê hewlê yewitîya mîyanê kurd û kurdan. Heto bîn ra zerar danê azadî, demokrasî û yewbînanqebûlkerdişê mîyanê komelê Kurdistanî.

Ma kişyayîşê Emin Îsa şermezar û protesto kenê û wazenê wa Îdarekarê Rayberîya Xosere û mesûlê PYD, HSD kiştox û mesûlê kişyayîşê Emîn Îsa vejê orte, raya pêroyî ya Kurdistanî agahdar bikê û cezaya ke îcab kena bidê kesanê mesuldaran.

Ruhê welatperwerê Kurd Emîn Îsa şa, cayê ey cenet bo. Ma keyeyê Emîn Îsa û rayber û endamanê PDK-Syî rê serweşîye wazenê. Sereyê şarê ma weş bo."

01.07.2021

Buroya Çapemenî û Têkilîye ya PAKî

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin