PAK: Ma kerdoxanê qetlîamê Sêwasî şermezar kenê, ê ke amê qetl kerdene yad kenê

PAK: Ma kerdoxanê qetlîamê Sêwasî şermezar kenê, ê ke amê qetl kerdene yad kenê

PAK (Partîya Azadîya Kurdistanî): Ma serrgêra qetlîamê Sêwasî ya 27ine de, qurbanîyanê qetlîamî bi hurmet yad kenê.

A+A-

Buroya Çapemenî û Têkilîye ya PAKî:

Temmûza 1993î de Sêwas de Şayîya  Pîr Sultan Abdal amey viraştene. Xeylî ronşvîr û hunermendî zî beşdarê a şayîye bibî.

 

Roja 2ê Temmûza 1993î de qalabalixêko pîl hêrîşêko bêînsanî berd Hotêla Madimakî ke kesê ke seba şayîye tede bîy ser û Hotêl ame veşnayene . Netîceyê şewatî de 33  ronşvîrî û hunermedî û 2 xebatkarê Hotêle ameyî veşnayîş, rîyê dûmanî ra fetisîyayî.

 

Herîşkeran bi sloganê sey ‘’Sêwas do laîkan rê bibo mezel’’, verê çimanê polîs û hêzanê asayîşî yê dewlete Hotêle rê hêriş kerdbî.

 

No hêriş binpay kerdişê heqê cuyayîşî bi, vera fikrî, xo îfadekerdişî û bawerîyanê cîyayan bi.

 

Seba  nê qetlîamî tay dewayî ameyî akerdene. La çi heyf ke  dewayan de netîceyêk nêame girewtene, kerdox û hetgîrê nê qetlîamî heta ewro zî nêameyê aşkere kerdiş, ceza nêgirewtê.

 

Ma faîl  û  hêrişkeranê nê qetlîamî û ê ke peyê înan de bî, înan pawenê şermezar kenê.

 

Ma serrgêra qetlîamê Sêwasî ya 27ine de, qurbanîyanê  qetlîamî bi hurmet yad kenê.

 

02.07.2020

 

Buroya Çapemenî û Têkilîye ya PAKî

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin