PAK: Ma hêrişê Trabzonî şermezar kenê

PAK: Ma hêrişê Trabzonî şermezar kenê

Partîya Azadîya Kurdistanî (PAK) bi yew beyanat hêrişo ke qezaya Trabzonî Çaykara de Kurdanê Başûrê Kurdistanî rê bibi şermezar kerd.

A+A-

Partîya Azadîya Kurdistanî (PAK) bi yew beyanat hêrişo ke qezaya Trabzonî Çaykara  de Kurdanê Başûrê Kurdistanî rê bibi şermezar kerd.

Beyanatê PAKî de wina vajîya:

Ma hêrişo nijadperest o ke Trabzon de virazîya şermezar kenê.

Roja 18.07.2019, qezaya Trabzonî  Çaykara de koma turîste ke Başûrê Kurdistanî ra ameybî û waşt pê atqîyê ke ser de Ala Kurdistanî estbî fotografan biancê rastê hêrişê nijadperestanê tirkan ameyî.

Grûba nijadpereste ya Trabzonî tehemulê nameyê Kurdan û Ala Kürdistanî nêkerda, heyeta Başûrê Kurdistanî rê nengî çînaya, ci rê heqeret kerda û teşebusê lîncî kerda.

Seba ke îdarekarê Tirkîya vera Kurdan dişmenetîye kenê, sîyasetê nijadperestî kenê, tehemulê Kurdan nêkenê, nê çîyî benê. No herîşo peyên tena yew nimune yo.

Dewleta Tirkîya tena Kurdanê  Bakurê Kurdistanî rê ney her hetê dinya de Kurdan rê dişmenetî kena û çi hey ke netîceyê nê muameleyê dewleta Tirkîya de, şarê ma rastê nê hêrişan yeno.

Ma nê hêrişanê nijadperestan û kesê ke nê hêrişkaran pawenê lanet kenê.

Walîyê Trabzonî gere hêrişkarî bitepişêne, ceza bidêne înan. La çi heyf  ke Walîtî aşkera kerd ke, 9 kesê ke rastê hêrişî ameybî û ameybî derbkerdiş hetê dewlete ra ameyê tepiştiş  û derheqê înan de tehqîqat  ameyo akerdiş. 

Ma nê helwestê Walîtîya Trabzonî zî şermezar kenê û wazenê wa kerdoxê nê hêrişî bêrê aşkerakerdiş û çi ceza îcab kena bidîyo înan.
 

Ev nûçe 216 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin