PAK: Gere Walîyê Colemêrgî îstîfa biko û kiştoxê Ozcan Erbaşî bêrê cezakerdene

PAK: Gere Walîyê Colemêrgî îstîfa biko û kiştoxê Ozcan Erbaşî bêrê cezakerdene

.

A+A-

Partîya Azadîya Kurdistanî( PAKî)

Dewa Îsyanî ya qezaya Rûbarokî ya bajarê Colemêrgî ya Bakurê Kurdistanî de, ciwano 18 serrî Ozcan Erbaş roja 30.11.2020 de netîceyê hêrişê eskeranê Dewleta Tirkîya ameyo kiştene.

Gorê zanayîşê ke keyeyê Ozcan Erbaşî û şêlikê cayo ke tede hedîse qewimyaya dayo çapemenî, çar ciwanê dewa Îsyanî semedê arêdayîşê balûyan şîyêne dewa xo ya verîne Bêrux, dorê saeta 15.00 de qereqola ke nêzdîyê dewe de, eskeran gule eşto înan, hîrê tenî remenê la guleyêk gineno paşta Ozcan Onay yo 18 serrî ro û birîndar beno. Demêk badê cû keyeyê Erbaşî û dewijî kwenê ey dima û ey bi birîndarî dewa Bêruxî de vînenê û ey benê nêweşxaneyê Eskerî yê Rûbarokî û paweyê helîkopterî vindenê, la helîkopter nêno û Ozcan Erbaşî uca de dinyaya xo bedilneno.

Walîtiya Colemêrgî zî derheqê nê hêrişî de nê beyanatî dayo: “Roja 30.11.2020 de dorê saeta 14:30 de dewa Îsyanî ya Rûbarokî de cayo qedexe de kesê ke teberê welatî de bi armancê qeçaxçîtî waştê wetê hidûdî ra bêrê zere, hetê hêzanê ma ra ameyê îqaz kerdene, la semedo ke cewab nêdayê îqazê hêzanê ma sey îqazî guleyî erzîyay hewa û netìce de hemwelatiyêkê ma birîndar bîyo; Her çiqas zî Nêweşxaneyê Sahra yê Rûbarokî de ci rê mudaxele ameyo kerdene zî nêxelisyayo û merdo. Derheqê hedîse de tehqîqat dîyayo dest pêkerdene û tehqîqatê edlî û îdarî dewam keno.”

Walîtîya Colemêrgê rastîyan temerneno û vano hêriş ‘’ Dewa Îsyanî ya Rûbarokî de cayo qedexe de kesê ke teberê welatî ra semedê qeçaxçî waştêne bêrê zere’ ameyo kerdene; la aşkereyo kenê zanayîşî rast nîyê, ê her çar gêncê Kurdî qaçaxçî nêbî. Û qaçaxçî bê zî, heqê tu kesî çino ke guleyan bierzo înan ser.

Tezato tewr pîl zî no yo ke Walîtîyê Colemêrgî seke raya pêroyî de qeşmerî biko vano ’’ guleyî erzîyay hewa û peynî de welatiyêkê ma birîndar bîyo’’.

Senî beno ke ‘’guleyî erzîyenî hewa’’ û netîceyê ci de kesêk pê guleyê ke “erzîyay hewa” birîndar beno?

Na hewa ewilî nîya ke şarê ma rastê hêrişanê wînayênan yeno. Bi seyan nimûneyê wînayênî esyê. Bi deshezaran merdimê kurdî bê pers û bê mehkeme û bê sûc û guna hetê esker û jenderme û polîsanê Dewleta Tirkîya ra ameyê kiştene.

Coka 97 serrîyo ke tu kiştox û mesulê nê kiştişan û qetlîaman, kiştox û mesulê 17.000 ‘faîlî meçhûl’’ê ke hetê Dewleta Tirkîya ra ameyê kiştene nêameyê ceza kerdene, nika reyna eskerê Dewleta Tirkîya bi rehetî eşkenê gêncêkê kurdî bikişê û Walîtîyê Colemêrgî zî bi rehetî eşkeno şarê ma de qeşmerî biko.

Ma keyeyê Özcan Erbaşî rê serweşîye wazenê

Ma kişyayîşê Ozcan Erbaşî û hêrîşo ke hevalanê ey rê bîyo şermezar kenê.

Gere derxal Walîyê Colemêrgî îstîfa biko û heme mesulê nê hêrişî bêrê tesbît kerdene û ceza bigîrê.

01.12.2020

Buroya Çapemenî û Têkilîyê ya PAKî

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin