Serekê Partiya Azadiya Kurdistanî (PAK) Mustafa Ozçelîkî derheqê hêrîşo ke vizêr şaristanê Tirkîya Konya de keyeyêkê Kurd rê bibi de beyanatêko nuştekî vila kerd.

Beyanatê Mustafa Ozçelîkî wîna yo:

Hêrişê Konya hêrîşêko nîjadperestî û plankerdî yo, ma do sereyê xo vera qatilan û vera êyê peye înan nêtewne.

Qezaya Meramî ya şaristanê Konya de roja 30.07.2021 de grûbêka nîjadperestanê Tirk bi hawayêko plankerde keyeyê Kurdî rê hêrişo çekdarî kerd û netîceyê hêrişî de keye ra 7 kesî ameyê qetilkerdiş û banê înan zî ame vêşnayîş..

Mesûlê nê hêrîşî yo esasî Dewleta Tirkîya ya ke vera nê hêrişan bêveng a û pê sîyasetê xo yê vera Kurdan cesaret dana hêrîşkeran, vernîya înan akena.

Miletê Kurd vera nê hêrîşan do sereyê xo nêtewno.

Ganî heme pêameyê şarê ma, îtifaq û yewitîya hîra ya neteweyî ronê.

Ma nê hêrîşê nîjadperestî ke plankerdî yo şermezar kenê.

Em sersaxîyê ji malbata Dedeogullari û ji hemû gelê me re dixwazin.

Mustafa Özçelik

Serekê Pêroyî yê PAKî