Osmanê Topal him Pontusan him jî Kurdan kuştîye!

Osmanê Topal him Pontusan him jî Kurdan kuştîye!

Di bin emrê Sakali Nurettîn Paşa de êrîşî serihildana Koçgirî kirîye kurdan kuştîye û dest daye ser mal û milkên wan

A+A-

Semînera hevpar a Federasyona Komeleyên Kurdistanê li Swêdê, Kitêbxaneya Kurdî li Stockholmê û Weşanxaneya APECê bi Komela Swedî-Grekî (Yunan) li bakurê Stockholm, Komela Grekî li Tensta, Komela Pontusa (Grek) li Stockholmê, Pirtûkxane û arşîva Grekî li ser genosîd (qirkirin) û surgûna Kurda û Pontûsa (Grek) di dawîya împaratorîya Osmanî û serdemê Cumhûrîyetê de di 21ê Gulana 2017ê de li dar ket.

Nivîskarê Yunanî Mihalis Karalambidis û lêkolerê Kurd Ekrem Onen axafêrên semînerê bûn. Ekrem Onen di destpêka sedsala nozda û dema cumhurîyetê de li ser serîhildanên kurdan rawest û şerê wan yên dijî tirkan de bahsa çawa tuşî qetlaman bûne, kir û li ser şerê psikololîk yên tirkan ku li hember kurdan dimeşînin bi nimûneyan pêşkêş kir.

Li gor nivîskarê Yûnanî Mihalis Karalambidis, tarîxa  girîng a qirkirina pontusan 19ê Gulana 1919ê ye ku dema Mustafa Kemal Ataturk wek mifetişê ordîya 9 derketîye Amissosê (Samsûnê) ye.  Li gor wî Trabzon, Giresûn, Samsûn, Sinop bajarên pontusan bûye. Bi fermana Mustafa Kemal Topal Osmanê Giresûnî di herêma di navbera Giresûn û Trabzonê de serîhildana pontusan tefandîye û wan qirkirine.

Nivîskarê Yûnanî got; di sed salîya qetlîamê de ew ê gelek çalakî li dar bixin û li Atînayê martoneka bazadanê bi navê ”Maratona jiyanê” li dar bixin û kurdan jî vexwend maratonê.

 Li gor nivîsakar; wê demê li herêmê 750 hezar pontus hebûne di navbera salên1916 û 1923ê de ji wan 750 hezar pontusan 263 hezarên wan hatine qetilkirin yên mayî jî hatîne sirgunkirin; jinên wan tûjî tecawuzê bûne. Ev hemû di encama sîyaseta Itihat û Terakî de rûdane; ew xwestine yên gayrî misliman qetilbikin û yên ne misilmanan jî asîmle bikin, bikin tirk.

Topal Osman; him qetil e him jî muhafizê Mustafa Kemal e; him serokçete ye him jî komutanê alaya 47an bûye.Wek komutanê alayê di bin emrê Sakali Nurettîn Paşa de êrîşî serihildana Koçgirî kirîye kurdan kuştîye û dest daye ser mal û milkên wan. Osmanê Topal him pontusan û him jî kurdan qetilkirîye.

Herweha Mustafa Kemal ji bona raqibê xwe ji ortê rake Topal Osman bi kar anîye; bi dest wî mebûsê Trabzonê Alî Şukrî Bey kuştîye, dawîye wî jî ji ortê rakirîye. 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin