Vizîr avukatê Serekê PKK Abdullah Ocalanî şibî Îmralî û Ocalan dir ameybî têhet.
Naye ser Verfekê AK-Partî Omer Çelîkî beyanatêk da û va: Astengîyê qanûnî ê vernîya pêvînayîşê Ocalan û avukatanê ey pêro amê wedaritiş.

Vizîr avukatê Serekê PKK Abdullah Ocalanî şibî Îmralî û Ocalan dir ameybî têhet.
Naye ser Verfekê AK-Partî Omer Çelîkî beyanatêk da û va: Astengîyê qanûnî ê vernîya pêvînayîşê Ocalan û avukatanê ey pêro amê wedaritiş. Yanê Omer Çelîk vano Ocalan ser o tecrîd qedyayo, avukat û keyeyê ey eşkenê şerê Îmralî. 

Çelîkî va: Verî hetê qanûnî ra astengî estbî. Nê astengî nika amê wedaritiş. Yanê nika astengî seba Îmralî çin a. Hepisxaneyanê bînan de qanûn senî yo Îmralî de zî eynî tewir o. Serekê PKK Ocalan û avukatê xo 8 serran ra dima 3 hewte verî û vizêr ameybî têhet.  Îdîa beno ke hukmatê Tirkiya qayîlo Serekê PKK Abdullah Ocalanî dir rîpelêko newe akero. 

Vizêr zî Hemserekê HDP Sezaî Temelîyî îdîa kerdbi ke semedê meseleya Kurd do prosesêko newe dest pêbikero la no prosesê aştî bê AKP bo.

Heto bîn ra vizîr vejyabi orte ke Serekê Îstîxbaratê Tirkîya Hakan Fîdan û Serekê Sûriye Beşar Esed amê têhet û qisê kerdê. Omer Çelîkî na îdîa zî rast kerd û va seba menfiqatê dewlete, eke luzum biko ma her kesî de qisê kenê.