OGÎ:  Mîyanê 9 mengan de 52 rojnamegerî ameyî destbendkerdene

OGÎ: Mîyanê 9 mengan de 52 rojnamegerî ameyî destbendkerdene

Înîsîyatîfê Rojnamegeran ê Azadan (OGÎ) aşkera kerd ke mabênê 9 menganê peyênan de emser 52 rojnamegerî ameyî destbendkerdene û înan ra 14 kesî ameyî tepiştene.

A+A-

 

Merkezê Xeberan

 

Înîsîyatîfê Rojnamegeran ê Azadan (OGÎ) aşkera kerd ke mabênê 9 menganê peyênan de emser 52 rojnamegerî ameyî destbendkerdene û înan ra 14 kesî ameyî tepiştene.

 

 

Înîsîyatîfê Rojnamegeran ê Azadan (OGÎ) raporê menga Êlule û 9 menganê peyênan eşkera kerdî. Goreyê raporî 9 mengan de 46 rojnamegeran bi temamî 138 serre û 7 mengî û 18 roje cezaya zîndanî girewte.

 

Eşkerayîya OGÎ wina ya: "Îfadedayîş, dewa û suckerdişê rojnamegeran û cezakerdişê rojnamegeran her ke şino beno zêde. Menga Êlule de zî tedaya ser rojnamegeran kêm nêbî. Pakêta Reformî formalîte ya. Çalakîyê herêma Wan, Amed, Sêrt, Riha, Wan û Colemêrgî de yenê qedexekerdene û no qedexe seba xebatkaranê çapemenîye zî ame şuxulnayene. Xebatkarê çapemenîyê ke wazenê bername û şahîyanê rêxistinan ê komelî taqîb bikerê zî yenê tehdît kerdene. Rojnamegerî ke wazenî fotografan û dîmenan biancê yenê astengkerdene. Yan fotografkêşî yan zî kamerayê înan yenê destsernayene yan zî destûr nêdanê ke rojnamegerî bikewê nê wareyan. No mojneno ke heqê azadîye  yê çapemenîye destê înan rê yenê girewtene. No zî eşkera keno ke pakête karêkî rê nêna. Ma wazenê ke rojnamegerî bêrê raverdene. Ma hêvî kenî ke tehdîtê serê çapemenîye biqedê."

 

OGÎ wina ca da raporê menga Çele-Êlule 2019:

* 145 rojnamegerî hema tepişte yê

*52 rojnamegerî ameyî destbendkerdene

*14 rojnamegerî ameyî tepiştene

*32 rojnamegerî derheqê înan de tahqîqatî ameyî akerdene

*15 rojnamegerî derheqê înan de dewa ameye akerdene

*330 rojnamegerî ameyî hukmkerdene

*46 rojnamegerî rastê ceza ameyî

*24 rojnamegerî ameyî raverdene

* 2 rojnamegerî ameyî tebersînorkerdene

 

Menga Êlule:

 

*1 rojnameger ame destbendkerdene

*2 rojnamegerî derheqê înan de dewa ameye akerdene

*16 rojnamegerî ameyî hukmkerdene

*3 rojnamegerî rastê 17 serre û 2 menge ceza ameyî

*1 rojnameger ameyî tepiştene

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin