NY: Ganî îdareyê Afganîstanî pêro kesan temsîl bikero

NY: Ganî îdareyê Afganîstanî pêro kesan temsîl bikero

.

A+A-

Konseya Asayîşî ya Neteweyanê Yewbîyayeyan semedo ke hukmato newe yê Afganîstanî pê muzakereyan bêro ronayîş  veng da. Konseye vat: ''Ganî hukmato newe yewbîyaye bo û semedê her kesî bo.''

Konseya Asayîşî ya Neteweyanê Yewbîyayeyan vizêr kom bîye û dima vat: ''Semedê hukmatê neweyî ganî înîsîyatîfêk bêro awankerdene û ganî hukmato newe yewbîyaye bo û semedê her kesî bo.''

Dima ke Talîbanî dest na Kabilî ser Konseya Asayîşî bi lezabez kom bîye û veng da ke verê binpaykerdişê heqanê merdiman bêro girewtene. Konseye waşt ke wa erşawîyayîşê hetkarîya merdimîye nêro astengkerdene.

Bado ke Amerîka xo Afganîstanî ra peyser atne Talîbanî paytext Kabîl zî tede dest na heme bajaranê welatî ser. Şaro ke hêrişê qesasî yê Talaîbanî ra qesawet keno cehd keno ke welatî ra biremo. Coka herême de kaos esto. Welatê rojawanî zî lezabez persenolê xo yê Afganîstanî tehlîye kenê. Ajansê Reutersî da zanayene ke sixletîya ra meydanê teyarayan de 5 kesî merdî.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin