NY: Dixwaze li gel Barzanî kar bike

NY: Dixwaze li gel Barzanî kar bike

Sekreterê Giştî yê Neteweyên (NY) Yekbûyî António Guterres “Ez û rêxistina Neteweyên Yekgirtî ji bo mîsogerkirina aştiyê li Herêma Kurdistanê li gel Serok Barzanî kar bikin

A+A-

Li gorî ragihandina malpera fermî ya Serokatiya Herêma Kurdistanê, Sekreterê nû yê rêxistina Neteweyên Yekgirtî (NY) António Guterres bersîva nameya pîrozbahiya Serok Barzanî daye û ji ber pîrozbahiya dest bi karkirina wî spasiya xwe ragihandiye.

Sekreterê Giştî yê Neteweyên (NY) Yekbûyî António Guterres bersiva pîrozbahiya Serokê Herêma Kurdistanê Mesûd Barzanî da û got; “Ez û rêxistina Neteweyên Yekgirtî em hez dikin ji bo mîsogerkirina aştiyê li Herêma Kurdistanê, Iraqê, herêmê û cîhanê de li gel Serok Barzanî kar bikin.”

António Guterres di peyama xwe de diyar kiriye, ku ew ji ber şerê li dijî DAIŞê û operasyona azadkirina Musilê ji qehremaniya Hêzên Pêşmerge agahdar e.

Guterres herwiha diyar kiriye, ku ji bo tekoşîneke dijwar û dîrokî ya li hember gefan û terorê û hizra tundrewiyê hemû alî di nav hewldanê de ne.

Sekreterê Giştî yê NY ragihandiye, ku ew bi xwe û rêxistina Neteweyên Yekgirtî hez dikin ji bo mîsogerkirina aştiyê li Herêma Kurdistanê, Iraqê, navçeyê û cîhanê de li gel Serok Barzanî kar bikin.

António Guterres di nameya xwe de dabînkirina aştiya Rojhilata Navîn weke erkekî dîrokî binav kiriye û gotiye, ku ji bo vê mebestê jî ew dixwaze ji nêzîk ve li gel Serok Barzan hevkar û hemaheng be.

Ev nûçe 13671 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin