Nûnerê taybet ê serokê Amerîkayê yê karûbarê Sûriyê James Jeffrey li ser pirsa rojnamevanekî, jihevdûrketina PDK û YNKê piştî wefata Mam Celalî wisa nirxand:

YNK niha wek çend parçeyan dabeş bûye û zêde zêde di bin bandoreke mezin a Îranê de ye. Ewqas di bin bandora Îranê de ye ku min di temenê xwe yê karê siyasî de hegemonyayeke wiha nedîtiye.’’

Herwiha got, ew hevkariya ku niha di navbera Îran û YNKê de heye, ji dema şerê navxwe ya salên 1990î zêdetir e û wê demê herçend her du partî di şer de jî bûn, lê derfetên hevpeymanîkirinê hebûn.

Ev helwêsta nûnerê taybet ê Donald Trump di demekê de ye ku piştî koça dawî ya Celal Talabanî, çend kesan desthilata partiyê girtine destxwe û dixwazin serdanên Brett McGurk ên ligel wan jî wek belgeya razîbûna Amerîkayê ya pêwendiyên YNKê û Îranê bidin nîşandan.