Weçînayîşê 47. yê Baroyê Amedî de Nîhat Eren sey serek ame weçînayene.

Salona Konferansî ya Parka Yildizî de mabênê 10-11ê nîsane de weçînayîşo 47. yê Baroyê Amedî ame kerdene, weçînayîş de Nîhat Eren pê 693 rayan bi sereko newe yê Baroyê Amedî.

Weçînayîşî ra dima serekê verênî yê baroyî Cîhan Aydinî sipas kerd û vat: ''Alaya Baroyê Amedî qetî do nêkewa erdî. Ma komîsyon û merkezê xo reyde xeylêk karî kerdî, ma xeylêk karê weşî kerdî. Ez hêvî kena ke pê heman mîsyonî ma do xebatanê xo bîyarê ca. Ez embazê xo rê serkewtiş wazena.''

Nîhat Erenî zî vat: ''Çew nêeşkeno Baroyê Amedî xo vîra bikero. Tahîr Elçî sereko ebedî yê Baroyê Amedî yo. Hewceyê nê şaristanî pê baroyî esto. Ez pêro embazanê xo rê sipas kena.''