Serekê Pêroyî yê PAKî (Partîya Azadîya Kurdistanê) Mustafa Özçelik:

Ziwanê Kurdkî semedêcuyayîş û dewamî û estbîyayîşê miletê Kurd heykelêkê esasî yo, bingehê miletbîyayîşî yo.

Helbet keewro xebata sebagirewtişêheqê perwerdeyîya bi ziwanê Kurdkî lazimtî û wazîfeyêko esasî yê netewî, niştimanî yo. Têkoşîn û xebata girewtişê heqê  perwerdeyîya bi ziwanê Kurdkî bi hişmendîya qezenckerdişê statuyêka sîyasîya Kurdistanî, bi armancê qezenckerdişê heqê çarenûsîya miletê Kurd dir gerê bêro kerdene.

La ewro Bakurê Kurdistanî de seba wayîrvejyayîş û averberdişê ziwanê Kurdkî, kam bi çi qayde, çi gaman bierzo gere ma hetê ci bike û ci rê ardim bike. Ganî ma heme xebat û dezgeh û hewl û gamê seba ziwanê Kurdkî rê wayîr vejîme.

Ewro Bakurê Kurdistanî deziwanê Kurdkî binê zext û neheqî û tehlûkeyêko pîl de yo.

No 97 serrîyo ke Dewleta Tirkîya bi sîyasetê înkar û asîmîlasyonîwaşta ziwanê Kurdkî(Kurmancî û Kirmanckî/Zazakî) çine biko. Helbet ke no sîyasetê şovenî tesîrêko xerab komelêBakurê Kurdistanî ser o kerdo. La tu sîyaset û kerdena Dewleta Tirkîya nêeşko Miletê Kurd û Ziwanê ey çine biko. Ewro estbîyayîşê miletê Kurd, estbîyayîşê ziwanê Kurdkî,  berhemê têkoşîn û xoverdayîş û wayîrvejyayîşê bêemsal o.

Ewro wayîrvejyayîşê ziwanê Kurdkî, mîyanê keyeyî ra dest ci keno.Ganî heme Kurdî mîyanê keyeyê xo de bi Kurdkî(Kurmancî û Kirmanckî/Zazakî) qisey bikê. Ganî no wazîfeyê ma yo ewil o netewî û însanî bo. Wendegehê ewilî yê Domanan ê Kurdan mîyanê keyeyî yo. Dayik û babî û keyeyê Kurdangerekeqiseykerdiş û musayîş û musnayîşê ziwanê Kurdkî sey wazîfeyê xo yo  wîcdanî, însanî û netewî yo esasî bizanê.

Gere ma cuyayîşê xo yo rojane de, karê xo de, bazar de ziwanê Kurdî sey ziwanê ewilî bixebitnê.

Helbet ke semedê rastîya miletê ma, ma mecbûrê ke ziwanê Kurdkî de pîya ziwanê Tirkî zî xebata xo ya sîyasî de bixebitnê. La gere heme partîyê Kurd û Kurdistanî heme xebat û dîyaloganê xo yê mîyanê xo de, xebatanê xo yêkomelkî, siyasî de ziwanê Kurdkî sey ziwanê esasî bixebitnê. Heme endamê partîyanê Kurd û Kurdistanî gere ziwanê xo yê dayike bizanê, bimusê û her ca de bixebitnê.

Gere dezgehê sivîlî, sîyasetmedarî, ronşvîrî, hunermendî, alimê dînî, heme şexsîyetê komelî musayîş û xebitnayîş û wayîrvejyayîş û averberdişê ziwanê Kurdkî sey wazîfeyêkê însanî û netewî bizanê.

Ziwanê ma estbîyayîşê ma yo. Bi na hişmendî, gere ma estbîyayîşê xo rê wayîr vejîme. Ganî 365 rojêserre seba ma Roşanê ziwanê Kurdkî bo.

15.05.2020

Mustafa Özçelik

Serekê Pêroyî yê PAKî