Muracatê Akademîya Îsmaîl Beşîkcî ya Payîzî (Kirmanckî/Zazakî) dest pêkerd

Îzahê Çalakîye

Kontekstê Tarîx, Kultur û Nasnameyî de Kirmancî (Zazayî)

Xebatê ziwan û kulturê kurdan ke ma estena cayê înan yê warê akademîya Tirkîya ra ancax eşkenê 2009î ra nata behs bikerê, yew sernuşteyê înan zî babeta Kirmancî (Kirmancî/Zazayî) ) û Kırmanckî (Zazakî) teşkîl kena. Kurdê kirmancê ke tena erdanê ke binê bandura Tirkîya de manenê ser o ciwîyenê, xebatê ke çi Tirkîya de çi dinya de tarîx, ziwan û kulturê înan ser o benê, nê serranê peyênan de aver şonê. Nê ereymendişî ra girêdaye kêmaneya aktîvîteyanê akademîkan yê ke tede pêserîya zanayîşê derheqê babeta kirmancan û kirmanckî de kom bîya, ser o yênê vindertiş û erjnayîş bale ancena. Akademîya WÎBî seba ke qismen bo zî na kêmane mîyan ra bêra wedarnayene; berardişê zanayîş û pêserîya temînbîyaye yê warî bêrê vetene bi verê çiman û hetê pisporanê warî ra tetkîk bibê; têhet ardena akademîsyen û cigêrayoxanê ke nê warî de xebitîyenê û mezunan yan zî wendekaranê programanê lîsans, lîsansê berzî û doktora ke eleqeyê înan bi nê warî esto, ame plankerdene.   
Akademîya Kirmanckî (Zazakî) yê WÎBî ke ma qerar dayo ke 2021î ra pey her serre di rey bivirazê, yewina aye do bi sernuşteyê Kontekstê Tarîx, Kultur û Nasnameyî de Kirmancî (Zazayî) bêra viraştene. No program, do mabênê 4 êlule û 2 teşrîna verêne 2021 de, panc hewteyî her roja şemeyî mabênê saetanê 14:00-17:00 de bi hawayo onlîne û platformê Zoomî ser ro bivirazîyo. 

Seba programî hûmara zaf sînorkerdîye de wendekarî do bêrê girewtene; wendekarê ke bêrê  girewtene, înan ra bi hawayo nîzamî beşdarbîyayîşê bi dersan yeno pawitene. Peynîya programî de do belgeyê beşdarîye bidîyo wendekaranê ke dersanê panc hewteyan ra beşdarê yê çar hewteyan bîyê.

Tarîxê Beşdarbîyayîşî yo Peyên: 22.08.2021
Tarîxê Eşkerakerdişê Netîceyan:  26 08.2021
Tarîxê Destpêkerdişê Programî: 04.09.2021
Tarîxê Peynîya Programî: 02.10.2021