Mizrakli: Li dijî desteserkirina îradeya Kurdan pêngavên şênber biavêjin

Mizrakli: Li dijî desteserkirina îradeya Kurdan pêngavên şênber biavêjin

Hevserokê Şaredarîya Bajarê Mezin a Amedê, Selçuk Mizrakli ku ji kar hat dûrxistin û piştre hat girtin, ji ‎Girtîgeha Bunyanê nameyek ji raya giştî ya navxwe û navdewletî re şand û got: “Li dijî desteserkirina ‎îradeya Kurdan pêngavên şênber biavêjin.”‎

A+A-

Navenda Nûçeyan- Hevserokê Şaredarîya Bajarê Mezin a Amedê  Selçuk Mizrakli ‎ku bi biryara Wezareta Navxwe ya Tirkîyê ‎ji kar hat dûrxistin û qeyûm li şûna wî hat danîn, ji Girtîgeha Bunyanê nameyek ji raya giştî ya navxwe û ‎navdewletî re nivîsî.‎

Mizrakli ku di Hilbijartinên 31ê Adarê de bi wergirtina ji sedî 62ê dengan wek serokê Şaredarîya Bajarê ‎Mezin a Amedê hat hilbijartin, ji ber lêpirsînekê 19ê Tebaxê ji kar hat dûrxistin û paşê hat girtin, di ‎nameya xwe de dibêje: "Desteserkirina îradeyê, ne biryareke hiqûqî ye, lê karekî eşkere ye ku Kurd dê ‎nikaribin kesên bajarên wan birêve bibin hilbijêrin."‎

Mizrakli tekez dike ku ji ber nasnameya xwe ya Kurdî dikevin ber guşaran û dibêje: "Li Tirkîyê kuştina ‎hiqûqê heye. Mînak, sedema girtina min a di 22ê Cotmeha 2019an de, îfadeya beredayî ya kesê bi navê ‎H.B.A ye ku Gulana 2016ê li qezaya Nisêbînê ya Mêrdînê tê girtin û berî hilbijartinên xwecihî bi 11 rojan ‎wate 20ê Adara 2019an dijî me daye."‎

Mizrakli dide zanîn ku kesê gilîyê wî kirîye ji ber îtîrafên xwe Îlona 2019an hatiye azadkirin û dibêje: ‎‎"Wek siyasetmedar û serokê şaredarîyê ku hatime hilbijartin û di girtîgehê de me, bang li raya giştî ya ‎navdewletî, rêxistinên maf û hêzên demokrasîyê dikim ku li Tirkîyê dijî desteserkirina mafê Kurdan ê ‎hilbijartin û hilbijirînê gavên şênber biavêjin, bo rakirina guşarên ser partî û tevgerên siyasî dengê xwe ‎derxînin û bo hatina dadmendîyê têbikoşin."

 

Ev nûçe 81 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin