Mîyanê Fîlozofan û Gêjan De…

Mîyanê Fîlozofan û Gêjan De…

Şarê ma hem fîozofan hem zî gêjan ra zaf hes keno. Eke waşt merdiman hem keno gêj hem zî keno fîlozof. Hetêk ra alimî, zanayeyî, fîlozofî, zanistî, mamosteyî û hetêk ra zî gêjî û aqilkêmî. Ma zî mîyanê înan de…

A+A-

 

Enwer Yilmaz

 

Şarê ma hem fîozofan hem zî gêjan ra zaf hes keno. Eke waşt merdiman hem keno gêj hem zî keno fîlozof. Hetêk ra alimî, zanayeyî, fîlozofî, zanistî, mamosteyî û hetêk ra zî gêjî û aqilkêmî. Ma zî mîyanê înan de…

 

Ma zî mîyanê înan de, mîyanê fîlozofan û gêjan de mendê. Dinya, tarîxê dinya de hezaran merdimî estê ke sey fîlozofan yan zî sey gêjan yenê namekerdiş. Qismêk zanayî, peynîya cuyayîşê xo de sey gêjan name bîyê, qismêk gêjî zî sey fîlozofan amê namekerdiş. Şarî, komelî bê nê her di qisman nêbenê. Yanê sey lazimtî, her di qismî zî mîyanê şaran de estê û zaf zî yenî heskerdiş.

 

Şarî hurmet nîşanê gêjan û fîlozofan danê. La ge-ge gêjî û fîlozofî yewbînan ra cêra nêbenê. Ti ewnîyenî gêj o la sey fîlozof yeno vînayîş. Yan zî fîlozof o sey gêj (Aqilkêm) yeno/a vînayîş.

 

Ez nê rojan de na mesela ser o zaf fikrîyena. Her di zî mîyanê şarî de wayîrê qîmetî yê. La êyê ke mîyanê înan de mendê zî estê û zaf ê (sey ma). Çîyo ke eleqeyê mi anceno milet senî ewnîyeno nê her di qisman û semedê şaran nê her di qismî senî beno ke hende yewbînan ra nêzdî yê.

 

Şar, ne bê zanayeyan ne zî bê gêjan eşkeno vindero. Xora hema vaje, her dewe, mehla, qeza û bajar de gêjî estê. Nê gêjan ra her çî, her hereket serbest o.

            whatsapp-image-2020-05-30-at-22-32-19.jpeg

 

Yeno mi vîr dikanê ma yê tûtûnî Dîyarbekir de, mîyanê Sûrî de kişta Camîya Pîle de bi. Cîranê ma Hecî Hesen wayîrê loqenta bi. Ez hema qij bîya. A mintiqa de çiqas gêjî yan zî fîlozofî estbî wexto ke bîyêne veyşan amêne loqente, nanê xo werdêne û şîyêne. Şan zî çend cinî pê tencereyanê xo amêne loqenta, nan û werdo ke mîyanê rojî ra mendêne girewtêne, şîyêne. Mi timî ê temaşe kerdêne.

 

Mîyanê gêjan de Elîşan gêjêko namdar bi. Elîşan pê fistan gêrene, bin de tûmanê ey çin bî. Wexto ke niştêne ro malê ey asyêne. Qet şerm nêkerdêne. Çunke gêj bi. Cinî û kênayê ke vernîya dikanî ra vîyartêne rîyê xo tadayêne, şermî ver bîyêne sip-sûr.

 

Elîşan hetanî şan hewşê Camîya Pîle de fistanê ey peradaye niştêne ro, uca de zî turîstê ke teber ra amêne ecêb-ecêb ewnîyêne tira. Nêeşkêne qisê biko, pelt-pel çîyêk vatêne la merdim tira fehm nêkerdêne. Yewêko hêrsin bi Elîşan. Sopeyê ey her wext destê ey de bi. Qij-mijî qarîşê ey dêne û seba ke xo bipawo bê sope nêgêrêne.

 

Ev nûçe 575 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin