MITa Tirk, çeteyên xwe yên li Sûrî ji bo di şerê li Ukrayna li dijî hêzên Rûsya şer bikin, derbasî Tirkiyê kirin.

Li gor Rêxistina Mafên Mirova ya Efrîn-Sûrî diyar kir, ji bo tevlîkirina şerê Ukrayna, MITa Tirk 500 çeteyên xwe derbasî Tirkiyê kirin.

Hat eşkerekirin, koma yekem a ji 500 çeteyên Turkmen yên ji koma Furqeya Sultan Murad û Sultan Silêman Şah pêk tên, peymaneke 6 mehan îmze kirin û dê mehane 3 hezar û 500 dolar bistînin.

Çete dê li tenişta Hikumeta Ukrayna, li dijî komên girêdayî Rûsyayê şer bikin.

Herwiha rêxistinê destnîşan kir, çete li navenda Efrînê û navçeya Şiyê tên komkirin û perwerdekirin û di rojên pêş de, dê komên din jî werin şandin.

Hêjayî bibîrxistinê ye, beriya çend rojan jî navenda Belgekirina Binpêkirinan li Bakurê Sûrî ragihandibû, MITa Tirk buroyek ji bo tomarkirina navê çeteyên ku wê biçin Yemenê vekiriye.