Mikaîl Aslanî Diyarbekir de konsêrêko weş da

Mikaîl Aslanî Diyarbekir de konsêrêko weş da

.

A+A-

Deyîrbaz Mikaîl Aslanî bi serran ra pey ame Dîyarbekir û konsêrêko weş da.

Mikaîl Aslanî  nê rojanê peyênan de şibi Sêrt, Batmanî û uca de konserî dabî û konsêrê xo yê hîrêyinî Dîyarbekir de da.

Konsêr Cayê Baxçeyê ZAROK MA de ame dayene û şarê Diyarbekirî konserî rê eleqeyêko weş mojna.

Mikaîl Aslanî dayîşê konserî ra verî qiseykrdişêko kilm kerd eleqe ant qedexebîyayîşê konserê hunermendanê Kurdan ser û muameleyo ke hunermendan rê û Kurdkî rê beno şermezar kerd.

Konsêr de ge-ge memanî zî Mikaîl Aslanî dir pîya deyrî vatî.

Mikaîl Aslanî konsêr de deyra Rençber Ezîzî ya “Zimo zimo”  ke do albumê ey yê neweyî de zî ca bigîro zî va. Aslanî deyra Rençber Ezîzî memanan dir pîya û pê coşêko pîl va.

Aslanî konserê xo bi deyra “Elqajiyê” û “Dîlbera Dêrsimê” qedîna. 

Turneya konserê Aslan a Sêrt, Êlih, Amed û Siwêregî bi organizasyona Amîdartî tertîp benê. 

Mukaîl Aslan do ewro zî Siwêrege de konserêr bido. 

RÛPELA NÛ / DÎYARBEKIR

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin