• Diyarbakır 27 °C
  • Batman 27 °C
  • Hakkari 16 °C
  • Şırnak 21 °C
  • Ağrı 15 °C

Mesûd Barzanî: Jinan di xebata kurdan de roleke mezin lîstin

Mesûd Barzanî: Jinan di xebata kurdan de roleke mezin lîstin
Serokê Herêma Kurdistanê Mesûd barzanî bi hilkefta 65. sala damezirandina Yekîtiya Jinên Kurdistanê peyamek weşand.

Bi hilkefta 65 saliya damezrandina Yekîtiya jinên Kurdistanê Serok Barzanî peyameke pîrozbahiyê belav kir:

 

“Bi navê Xwedayê mezin û dilovan

Bi hilkefta 65yemîn salvegera Yekîtiya jinên Kurdistanê ez gerimtirîn pîrozbahiyên xwe pêşkêşî sekreter û endamên Yekîtiya jinan û hemû jinên Kurdistanê dikim.

Rola Yekîtiya jinên Kurdistanê di xebat û têkoşîna gelê Kurdistanê de di hemî qonaxan de girîng û bi bandor bû. Herwiha para herî mezin ji êş û azarên gelê me li ser milê jinan bû, ku rolekî mezin dîtine di xebat û qurbanîdana gelê Kurdistanê de.

Di qonaxa niha de erkê Yekîtiya jinên Kurdistanê ji hemû qonaxan hestiyartir e. Pêwêst e Yekîtiya jinan bibe çavkaniya hişyariya neteweyî û niştimanî û pêgehandina jinan bo piştevanîkirina doza gelê Kurdistanê û Hêzên Pêşmerge û ji bo rûbirûbûna astengiyên ku niha li pêşiya gelê Kurdistanê ne.

Ez hêvîdar im ku ev hilkefta han bibe derfetek bo wê yekê ku Yekîtiya jinên Kurdistanê bi moraleke zêdetir kar bike; ji kêmkirin û nehiştina êş û azarên jinan û parastina mafên wan di nav malbatê de, heta li cihê kar û di hemî warên din ên civatê de.

Mesûd Barzanî

11-12-2017”

Ev nûçe 741 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din