• Diyarbakır 34 °C
  • Batman 35 °C
  • Hakkari 23 °C
  • Şırnak 31 °C
  • Ağrı 21 °C

Mesrûr Barzanî û General Roberson civiyan: Rojev yekxistina hêzên Kurdî li Rojavayê Kurdistanê bû

Mesrûr Barzanî û General Roberson civiyan: Rojev yekxistina hêzên Kurdî li Rojavayê Kurdistanê bû
Şêwirmendê Encûmena Asayişa Herêma Kurdistanê Mesrûr Barzanî û Fermandarê Giştî yê Tîma Hevbeş a Operasiyonên Taybet li Iraq û Sûriyê General Patrick Roberson bi hev re civiyan.

Şêwirmendê Encûmena Asayişa Herêma Kurdistanê Mesrûr Barzanî û Fermandarê Giştî yê Tîma Hevbeş a Operasiyonên Taybet li Iraq û Sûriyê General Patrick Roberson di hevdîtinekê de li ser mekanîzma guncaw bo yekxistina refên hêzên Kurdî yên li Rojavayê Kurdistanê û bihêzkirina wan hêzan gotûbêj kirin.

 

Li gorî daxuyaniya nivîskî ya ofîsa Şêwirmendê Encûmena Asayişa Herêma Kurdistanê, Mesrûr Barzanî doh roja 12ê Îlona 2018 pêşwazî li Fermandarê Giştî yê Tîma Hevbeş a Operasiyonên Taybet li Iraq û Sûriyê General Patrick Roberson û şandeke pê re kiriye.

 

Di daxuyaniyê de tê gotin, ku “di civînê de behsa pêşhat û bûyerên siyasî û leşkerî yên li deverê bi giştî û herwiha qonaxên şerê dijî terorîstan hatiye kirin.”

 

Ofîsa Şêwirmendê Encûmena Asayişa Herêma Kurdistanê diyar kiriye, ku di civînê de “General Patrick Roberson behsa qonaxên dawî yên şerê li rojhilatê Sûriyeyê û hewldanên heyî yên ji bo derkirina terorîstan kiriye û  her du aliyan hewldanên dîplomatîk ên vê dawiyê yên Amerîkayê yên taybet bi şerê dijî DAIŞê bi girîng wesif kirin.”

Di beşeke din a civînê de “her du aliyan nêrînên xwe yên derbarê mekanîzma guncaw ji bo yekxistin û bihêzkirina hêzên Kurdî yên li Rojavayê Kurdistanê pev guhertine.”

 

Li gorî daxuyaniyê, “Mesrûr Barzanî û General Roberson dilgiraniya xwe ya li hember êrişên Îranê yên bo ser Koyeyê di destpêka vê heftiyê de nîşan dan û eşkere kirin ku kiriyarên bi vî rengî xizmeta aramiya deverê nakin.”

Ev nûçe 257 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din