Çîçeke Kobanê  îşxalê Rojawanî yê teşrîna verêne ya 2019î de amebî esîrgirewtene û amebî remnayene Tirkîya. Mehkemeya tirke cezaya muebede ya girankerde daye Çîçeke Kobanê.

Çîçeke Kobanê (Dozgîne Temo) wextê îşxalê Girê Sipî û Serêkanîyê yê dewleta tirke de dewa Mişrefa ya Eyn Îsayî de amebî esîrgirewtene û amebî remnayene Tirkîya.

Roniştişê dewaya Çîçeke Kobanê vizêr amebi kerdene. Çîçeke Kobanê û avûkata ci Hîdayet Enmek tewrê roniştişî bîyî. 

Avûkat Enmekî pare kerd ke Çîçeke Kobanê sûrîyeyîj nîya û coka  Tirkîya nêeşkena aye muhakeme bikera. Avûkatî azadîya Çîçeke waşte.

Mabênêkî ra dima heyetê mehkeme bi îdîaya 'xerakerdişê yewîya dewlete û temamîya welatî' û 'kiştişî' cezaya zîndanî ya 10 serran û 10 mengan daye Çîçeke Kobanê.

Avûkat do muracatê mehkemeyêka berze bikero.