• Diyarbakır 22 °C
  • Batman 19 °C
  • Hakkari 12 °C
  • Şırnak 19 °C
  • Ağrı 12 °C

Meclîsa Leşkerî ya Minbicê gotina Çavuşoğlu derewand

Meclîsa Leşkerî ya Minbicê gotina Çavuşoğlu derewand
Berdevkê Meclîsa Leşkerî yê Minbicê Şervan Derwîş li ser daxuyaniya Wezîrê Derve yê Tirkiyeyê ku wan û Amerîkayê li ser Minbicê li hev kiriye axivî û got ku "ew gotinên tirkan in û derew in.

Berdevkê Meclîsa Leşkerî yê Minbicê Şervan Derwîş li ser daxuyaniya Wezîrê Derve yê Tirkiyeyê ku wan û Amerîkayê li ser Minbicê li hev kiriye axivî û got ku "ew gotinên tirkan in û derew in. Karê me li gel Hevpeymaniya Navdewletî wek berê dewam dike. Herwiha Derwîş teqez kir ku şervanên YPGê li Minbicê tine ne.

Wezîrê Karên Derve yê Tirkiyeyê Mevlut Çavuşoglu beriya niha bi daxuyaniyeke eşkere kiribû ku bi Amerîkayê re li ser Minbicê lihevkirine û dê parastina Minbicê jî leşkerên tirk û Amerîkayê pêk bînin. Berdevkê Meclîsa Leşkerî yê Minbicê Şervan Derwîş li ser mijarê ji Sputnikê re axivî û da zanîn ku ev yek derew e.

 

Derwîş wiha pê de çû: "Ev gotinên tirkan in, niha tiştek wiha tine ye. Xebatên me yên li Minbicê normal dimeşin. Hevkarî û têkiliyên me yên ligel Hevpeymaniya Navdewletî dewam dikin. Ji bilî vê jî tiştek niha tine ye."

Derwîş destnîşan kir ku, "Her kes dizane ku şervanên Yekîneya Parastina Gel (YPG) li Minbicê nîne, şervanên ku li Minbicê ne, Şervanên Meclîsa Leşkerî ya Minbicê ne. Eger tirk dixwazin bibêjin YPG li wir e, ew jî derewên tirkan in û ev derew jî wan eleqedar dikin. Niha li Minbicê YPG tine ye û hevkariya me jî ni koalîsyonê re jî normal dewam dike."

 

Beriya niha jî Fermandarê hevpeymana navdewletî ya dijî DAIŞê ku Amerîka pêşengiya wê dike, Paul E. Funk serdana Minbicê kiribû û ragihandibû ku tevî îtirazên Tirkiyeyê dê li Minbicê bimînin û bi armanca têkoşîna li dijî DAIŞê li herêmê ne û dê piştgiriya wan a ji bo HSDê jî wê bidome.

Ev nûçe 844 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din