Buroyê Çapkerdiş û Înformasyonî yê PAKî:

Verê 79 serran û roja 15/11/1937 di, rayberanê qehremanê serewedarnayena Dêrsimî ra Seyid Riza û 6 hembazê xo, Meydanê Eresaya Genimê Elazîzî de bi hawayêko zalimane ameyê îdamkerdene.

Dewleta Tirk vatê qey bi kiştena Seyid Rizayê Ebasan û lajê ey Resik Huseyin, Husênê Demenan, Hesen û Seyid Husênê Qureyşan, Elîyê Kalan û Findik Axayê Yûsifan ko şar û kulturê qedîm û binkî yê Dêrimî qir bibo û werte ra wedariyo. Ena şaşîyêka gird a heme dewletanê serdest û kolonyalîstan e. Dewleta Tirk zî seba naye rê, bi des hezarana mêrdimê ma qetil kerdî. Bi hezarana cinî, qijek, kal û pîrî dayê gullan ver. Goreyê vateyê kesandê haziran: bi jehrê mişkan ênan kerdî jehrin. Dewleta Tirk seba “peydakerdişê yew mileta newa”, qetlîam û jenosîdê winasarênî kerdî ke enê kerdişê ênan faşîzma Hîtlerî rê zî bîyê nimûne. Labelê dewleta tirkan tersaynê, wina tersaynê ke qebir û gorê ênan zî limitî. Sey ê Şêx Seîdî û hembazandê eye, cayê mezelê Seyid Riza û hembazandê eye zî nêzaniyeno. Sey sirrêk limito û ma nêzanê kura de defn kerdî.

Dewleta Tirk bi qetlîamanê Qoçgirî, Şêx Seîdî, Zîlan, Sason û ê bînana waşt Kurdistanî bi temamey bigîro şarê ma bi qirkerden û sirgûnkerden wertera werzano. Qetlîamê Dêrsimî dardekerdişê Seyid Rizay û embazanê ey jî berdewamê nê siyasetî bi.

Helbet têkoşîna azadiya Kurdistanî bi qetlîaman û jenosîdan nêvinderd. Ewro başûrê Kurdistanî vera xoserbiyayeni şina, rojawanê Kurdistanî di heke partiyê kurda bi îdareyondê piya û bi syratejîyêdo Kurdistanî bidê x over ê do statuyêndo daimî bigîrê.

Vakurê Kurdistanî di jî bi heme şaşey  ê ki amey kerdiş û bi nê lecê ku wazenê şarê ma teslîm bigîrê jî, kes do nêşo rayi verdê azadiya Kurdistanî di bigîro. Rojhelatê Kurdistanî di jî beyreqa azadiya Kurdistanî fina va bena.

Torinê Şêx Seîdî, Seyid Rizay, Xalid Begê Cibrî, Îhsan Nûrî Paşay, Qazî Mihemedî, Mele Mustafa Barzanî  ewro jî a beyreqa ku pêşewa Qazî Mihemedî  teslîmê Mele Mistefa Barzanî  kerdibi  heme çehar parçeyanê Kurdistanî di bi goniya şehîdan, bi ked û xebata welatparêzan berz kenê.

Di 79emîn salvegere qetilkirina wan de, di şexsê Seyid Riza de em hemû qurbanîyên vê jenosîdê û hemû şehîdên Kurdistanê bi rêz û hurmet bibîrtînin.Rojek dê were , gelê Kurdistanê li Dêrsimê, li hemû Kurdistanê, bi îlan kirina Kurdistana Azad, van qatil û hovên  ku  îrade û azadîya  gelê me binpê kirine dê ruswa bike.

Ma serrgêreya 79in a qetilkerdena ênan di û şexisê Seyid Rizayî de heme şehîdanê Kurdistanî û qurbanîyê nê jenosîdî bi hurmeta anê xo vîrî. Rojê do bêro şarê Kurdistanî Dêrsim di, temameyê Kurdistanî di, bi îlan kerdişê Kurdistana azad do nê qatil û hovanê ku îrade û azadiya şarê ma pay kerdê ruswa bikero.”