“Ma do meseleya dewaya qefilnayîşê partîyanê Kurdistanî Parlamentoyê Swêdî de bîyare rojdeme”

“Ma do meseleya dewaya qefilnayîşê partîyanê Kurdistanî Parlamentoyê Swêdî de bîyare rojdeme”

Heyetêka PSK û PAKî parlamentoyê Swêdî de parlamenterê Sosyal Demokrat reyde amê têhet.

A+A-

Merkezê Xeberan - Heyetêka PSK û PAKî parlamentoyê Swêdî de parlamenterê Sosyal Demokrat reyde amê têhet.

Parlamenteranê Sosyal Demokratan va, ma do pêro meseleyanê Bakûrê Kurdistanî û meseleya qefilnayîşê partîyanê Kurdistanî zî bi taybetî, 12ê sibate de bîyare rojdema parlamentoyî.

Temsîlkarê PSK û PAKî sey heyetêk parlamentoyê Swêdî de parlamenterê Sosyal Demokratan Anders Östberg û Kadir Kasirga reyde kombîyayîşêk kerd. Anders Östberg Komîsyonê Parlamentoyî yê Karanê Teberî de, Kadir Kasirga zî Komîsyonê Sosyal demokratan ê Rojhilata Mîyanînî de ca gêno.

Kombîyayîş de heyeta PSK û PAKî rewşa Kurdistanî ya pêroyî ser qisê kerd, dima ra bi teybetî rewşa bakurê Kurdistanî ser o malumat da û va: Partîyê Kurdistanî heta nika bi namê xo Komara Tirkîya de qet xebate legale nêkerdê û îmkan nêdîya înan. reya ewilî serra 2014î ra dima çar partîyê sîyasî ke tede namê  Kurdistanî estbî îmkan dîyê ke  siyaset bikê û amê ronayîş.  Çi heyf ke nika dewlete wazena ke ê her çar partîyan biqefilna.  Mehkemeya Qanûnê Esasî çi wexto biwazno  eşkeno seba ê partîyan qerarê qedexekerdişî bido..

Heyeta PAK û PSKî qala rewşa nikayîne ya bakurê Kurdistanî kerd, behsê  qayyum û hepsîyanê Kurdistanîyê sîyasîyan kerd û va, kurdên Diaspora zî yenê tpiştiş û tehdîd benê. Nika xeylî kurdê diaspora Tirkîya rehin mendê û nêeşkenê abigêre keyeyanê xo.

Anders Östberg û Kadir Kasirga vatê ke, ma sey Partîya Sosyal Demokrate hazire ke vera nê kerdenan nêdemokratikan hetkarîya Bakurê Kurdistanî bikê.
Parlamenteranê Sosyal Demokratan va, ma do pêro meseleyanê Bakûrê Kurdistanî û meseleya qefilnayîşê partîyanê Kurdistanî zî bi taybetî, 12ê sibate de bîyare rojdema parlamentoyî.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin