Li Tirkiyê hejmara pêketiyên koronayê zêde dibe

Li Tirkiyê hejmara pêketiyên koronayê zêde dibe

.

A+A-

Li Tirkiye û bakurê Kurdistanê di 24 demjimêrên borî de ji ber vîrûsa koronayê 123 kesan jiyana xwe ji dest dan û hejmara kesên ku ji ber koronayê mirine, gihişt 11 hezar û 943 kesan.

Wezareta Tendirustiyê ya Tirkiyê amarên 19ê Mijdarê yên vîrûsa koronayê (Covid-19) belav kir.

Li gor daxuyaniyê, li Tirkiye û bakurê Kurdistanê di 24 demjimêrên borî de 4542 kesên din bi vîrûsa koronayê ketine û hejmara nexweşan gihiştiye 430 hezar û 170 kesan.

Herwiha di 24 demjimêran de 2918 kes baş bûne û hejmara kesên heta niha ji Covid-19ê rizgar bûne, gihiştiye 364 hezar û 573 kesan.

Fahrettin Koca, Wezîrê Tendirustiyê yê Tirkiyê li ser hesabê xwe yê Twitterê ragihand: “Îro 4.542 nexweşên me yên nû hatin tomarkirin. Hejmara nexweşên giran gihişt 3.850. Eger em bi xwe tedbîran bigrin, em ê neçarî kêmtevgeriyên bi zorê nebin. Eger em rewşa berdewambûna belavbûnê ber bi berjewendiya xwe ve neguherînin, dibe ku di her qadên jiyana me de tedbîrên bi zorê çêbibin. Beşdarî têkoşînê bibin.”

 

Ev nûçe 122 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin