Li Til Temirê şer û topbaran: 6 şervanan canê xwe ji dest dan
Di encama êriş û topbarana artêşa Tirkîyê û grûpên çekdar ên opozisyona Sûrîyê de 6 şervanên ji Encûmena Serbazî ya Siryanî û pasevanên Xabûr canê xwe ji dest dan.
A+A-
Navenda Nûçeyan - Artêşa Tirkîyê û grûpên çekdar ên ser bi wî welatî ve, duh êrişî bakurê bajarê Til Temirê kirin li Rojavayê Kurdistanê.
Piştî wê êrişê şer û pevçûnên dijwar di navbera hêzên Tirkîyê û grûpên çekdar ji alîyekî û şervanên Encûmena Serbazî ya Siryanî û pasevanên Xabûr ji alîyekî din ve derketin.
Herwiha topxaneya artêşa Tirkîyê û grûpên çekdar çend gundên Xirîstîyanên Aşûrî li herêma Til Temir topbaran kirin
Di encama wan şer û pevçûnan û herwiha topbaranê de, 6 şervanên Xirîstîyan ji Encûmena Serbazî ya Suryanî û pasevanên Xabûr canê xwe ji dest dan.
Derbarê kuştîyên çekdarên ser bi Tirkîyê ve zanyarîyek nehatîye belavkirin.
Rûdaw
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin