Li Semsûrê 166 mal, li Mêrdînê jî 2 tax hatin kerentînekirin

Li Semsûrê 166 mal, li Mêrdînê jî 2 tax hatin kerentînekirin

.

A+A-

Li herdu parêzgehên Semsûr û Mêrdînê yên Bakurê Kurdistanê di çarçoveya tedbîrên Covid-19ê de 166 mal û du tax hatin kerentînekirin. Ji ber zêdebûna hejmara pêketiyên Coronayê biryara kerentînkirina hinek navçeyên du parêzgehan hat dayîn.

Li hinek taxên parêzgeha Semsûrê di çarçoveya tedbîrîn vîrûsa Coronayê de li 166 malan kerentîna hat destpêkirin. Li gor daxuyaniya nivîskî ya Parêzgariya Semsûrê, li navenda bajêr piştî testa hinek welatiyan pozîtîv derketiye, Desteya Tendirustî ya Bajêr biryarên nû dane. Li gor biryarê, li taxên cuda 166 mal hatin kerentînekirin.

Li navçeya Kerboranê ya ser bi parêzgeha Mêrdînê ve jî di çarçoveya tedbîrên Coronayê de 2 tax hatin kerentînekirin. Li gor Desteya Tendirustî ya Kerboranê, biryara kerentînayê bi armanca rêgirtin li zêde belavbûna vîrûsê û parastina mesafeya civakî hatiye wergirtin.

Li gor agahiyên hatine belavkirin, hêzên ewlekariyê ketin û derketina ji herdu gundên Dîvan (Sumer) û Xelîlan ên Kerboranê qedexe kirine.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin