Li Rojhilatê, ji ber kuştina kolberan banga grevê hat kirin

Li Rojhilatê, ji ber kuştina kolberan banga grevê hat kirin

Hejmarek ji çalakvanên bajarê Bane yê Rojhilatê Kurdistanê, ji xelkê wî bajarî xwastine, ku îro Sêşembiyê weke nerazîbûna li hember kuştina kolberên Kurd bikevin girevgirtinê û dikan û bazaran venekin.

A+A-

Di nava bajarê Bane yê ser bi parêzgeha Sine ya Rojhilatê Kurdistanê de daxuyaniyek bi navê Ciwanên Niştimanperwer hatiye belavkirin, ku têde hatiye gotin, di heftiya derbasbûyî de, li sînorên Rojhilatê Kurdistanê 12 kolberan jiyana xwe ji dest dane, ku 3 ji wna kolberên tenê li navçeyên bajarê Ban bûne.

 

Banga wan çalakvanan ji bo protestokirina kuştina kolberan bi destê hêzên ewlekariyê yên Îranê ye.

 

Di daxuyaniyê de herwiha tê gotin, hikûmeta Îranê bêyî ku derfeta kar peyda bike, karê kolberiyê qedexe kiriye û hêzên Îranê bi hinceta rûbirûbûna qaçaxiyê, rojane teqe li kolberan dikin.

 

Ciwanên Niştimanperwer daxwazê li xelkê dike, weke nerazînûna li hember kuştina kolberan û weke nîşandana şîna giştî, roja Sêşembiyê (îro) dukan û bazar neyên vekirin.

 

Berê jî piştî xwepêşandan û grevê li bajarê Bane, berpirsên hikûmetê soza çareseriyê dabûn, lê heta niha ew soz cîbicî nekirine.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin