Navenda Nûçeyan - Di nav Kurdan de ji bo zindîgirtina cil û bergên kurdî yên ku wekî yek ji sembolên kurdan tê qebûlkirin, her sal roja 10ê adarê wekî "roja cil û bergên kurdî" tê pîrozkirin. Ji bo vê roja taybet gelek kes şûna çakêt û pantoran cil û bergên kurdî li xwe dikin.

Li bajarê Qamişloyê roja Sêşemê Adara 2020an ji alîyê Encûmena Niştîmanî ya Kurd li Sûrîyê (ENKS) bi helkefta Rojava Cil û Bergên Kurdî çalakîyeke pîrozbahîyê hat sazkirin û jinên ku beşdarî wê çalakîyê jî bibûn, behsa keyfxweşîya xwe ya li hemberî cilên Kurdî kirin û demeke xweş derbas kirin.

Beşdarîyeke jin ji Rûdawê re got ku ew Roja Cil û Bergên Kurdî li tevahîya Kurdan pîroz dike û herwiha daxwaz ji gencên Kurd kir xwedî li cil û bergên kevneşopîya kurdî derbikevin.

Jineke din jî got ku cilên Kurdî jî mina sirûşta Kurdistanê rengîn û xweşik in û ew naxwaze ti caran cil û bergên Kurdî wenda bibe.

Li parlementoya Kurdistanê di 10 ê Adara 2013an de, biryar hatibû standin ku her sal roja 10ê adarê weke Roja Cil û Bergên Kurdî were pîrozkirin.

Rûdaw