Li Lalişa Nûranî, zeyt ji zeytûnan tê cudakirin

Li Lalişa Nûranî, zeyt ji zeytûnan tê cudakirin

Li Lalişê demsala guvaştina zeytûnan dest pê kiriye û bo dema heftiyekê berdewam dibe. Digel ku rêbazên modern jî bo vî karî hebe, Êzidî şêwaza kevnar berdewam dikin lewra xêra wê zêdetir e.

A+A-

Rojane zêdetir ji 150 kes ji jin û zilaman kar dikin da ku zeyta xwezayî ji Çirayên Lalişê re amade bikin. Ev merasim û xebat bo dema heftiyekê berdewam dibe û li gel kar, dua û qewl û sebeqe têne gotin.

Kesên ku vî karî dikin, ji deverên cuda diçin Lalişê û weke karekî xêrxwazî vî karî dikin.

Di ber kar re, dua û qewl û sebeqe têne gotin, zeytûn li cihên taybet têne guvaştin, zeyta xwezayî bi rêyên kevnar tê berhemanîn. Ji serdema Şêx Hadî û şûnde, ev merasim têne gêrandin û derdora heftiyekê berdewam dibe.

Ava Kaniya Spî tê bikaranîn, li ser agirê daran tê germkirin. Salane bêhtirî 15 tonên zeytûnan dikin zeyt. Zeyta zeytûnan heta ku xwezayî be, ji bo hilkirina çirayên Perestgeha Lalişê tê bikaranîn.

Ev nûçe 163 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin