• Diyarbakır 1 °C
  • Batman 0 °C
  • Hakkari -4 °C
  • Şırnak 3 °C
  • Ağrı -1 °C

‘Li Kerkûk û Duzxumartû kurd, bi hovane têne kuştin’

‘Li Kerkûk û Duzxumartû kurd, bi hovane têne kuştin’
Parlamenterê kurd ê li Parlamentoya Iraqê Mihemed Osman behsa hovîtiya li hemberî kurdan kir û got; li Kerkûk û Duzxumartuyê kurd ji ber kurdbûna xwe têne kuştin, bi otomobîlan ve têne girêdan û kaşkirin û wisa jiyana xwe ji dest didin.

Mihemed Osman li Kerkûkê di civîneke çapemeniyê de got, "Kîjan xala destûra Iraqê rê dide, ku hemwelatiyên kurd bi şêweyekî dirinde werin kuştin û bi otomobîlan ve werin girêdan û kaşkirin û wisa jiyana xwe ji dest bidin?"

 

Osman bal kişand ser ku mal û dikanên kurdan tên talankirin, şewitandin û teqandin û got, "Saziyên partiyên kurdan tên dagirkirin."

 

Parlamenterê kurd derbirî ku heta niha gelek rêveberên kurd ên hikmî bêyî sedem, tene ji ber kurdbûna xwe ji erken xwe hatine dûrxistin û li şuna wan kesên ne kurd hatine bicihkirin.

(sputnik)

Ev nûçe 230 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din