Berdevkê Polîsê Hewlêrê ragihand, 2 kes bi tohmeta çêkirina niviştan û xapandina jinan hatine desteserkirin.

Berdevkê Polîsê Hewlêrê Hogir Ezîz îro Duşemê ji Tora Medyayî ya Rûdawê re ragihand, “Jinekê serdana navenda polîs kiriye û gilî li du kesan kiriye ku ji bo çêkirina niviştan gelek pere ji wê standine. Piştî wê giliyê me lêpirsîn da destpêkirin û 2 kes desteser kirin.”

Hogir Ezîz da zanîn ku wan du kesan bi rih, cil û bergên xwe çend jin xapandine, ew du kes ne xelkê Hewlêrê ne û got, “Ereb in û li Hewlêrê dijîn.”

Li gorî agahiyên polîs, tometbarên bi navên (K.A.R) û (T.A.A) li gor madeya (456) ya yasaya cezayê ji aliyê dadwerê lêkolînê ve hatine desteserkirin.