Li Gurcistanê yekem car e ku jinek bûye serokomar
Li Gurcistanê yekem car e ku jinek weke serokomar hatiye hilbijartin. Navê jina ku bûye serokomar Salome Zurabişvili ye. Gurcistan di rêjaya jinan a li parlamentoyê de di asta cîhanê de li rêza 123yê de ye.
A+A-
Li Gurcistanê cara dawiyê ye ku gel ji bo hilbijartina serokomar dengên xwe avêtine. Di tûra duyem a hilbijartinê de Salome Zurabişvili, Wezîra Karên Derve ya berê ji sedî 59,6 dengên gel bi dest xistiye û bûye serokomar.
Namzetê din yê bi navê Grigol Vaşadze ji sedî 40,4 deng stendiye.
Zurabişvili weke namzeta serbixwe ketiye hilbijartinê û Partiya Xewna Gurcuyan piştgiriya wê kiriye. Partiya Tevgera Netewî ya Mezin ya desthilatdar jî piştgiriya Vaşadzeyî kiriye.
Giorgi Margvelaşvili, serokomarê niha aşkere kiribû ku ew ê di hilbijartinê de nebe namzet.
Salome Zurabishvili wê di meha Kanûna Paşiyê (Berfanbar) de dest bi wezîfeyê bike.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin