Li Bêdlîsê 70 dikandar hatin desteserkirin

Li Bêdlîsê 70 dikandar hatin desteserkirin

.

A+A-

Li parêzgeha Bêdlîsê ya Bakurê Kurdistanê dikandarên ku ne xwestin dest ji dikanên  xwe berdin rastî mudaxelaya polîsan hatin. Serokê Odeya Bazirganî û Pîşesaziyê Davut Tezcan jî di nav de herî kêm 70 kes hatine desteserkirin.

Li taxên Ataturk, Devrîm, Gazibey, Hersan û Muştakbaba ser bi parêzgeha Bêdlîsê 700 avahî Nîsana 2020an  bi biryara Serokkomartiya Tirkiyê  wek devera metirsîdar hate ragihandin. Piştî biryarê di encama serlêdana dikandaran ji aliyê dadgehê ve biryara `rawestandina rêvebirinê` hate dayîn. Ligel vê biryarê jî ji dikandara hat xwestin ku heta 30ê Temûza 2021ê kargehên xwe vala bikin.

Li gor agahiyan 14ê Tebaxê demjimêr 00:30 polîsan xwest kargehan vala bike lê rastî nerazîbûna dikandaran hat û di encam de polîsan bi guleyên plastîkî û bombeyên gazê midaxeleyî dikandaran kir û herî kêm 70 kes desteserkirin.

Hate gotin hejmareke dikandarê ku di êrîşê de birîndar bûne bo nexweşxaneyê hatine veguhestin.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin