Li Başûrê Kurdistanê jî lehî rabû

Li Başûrê Kurdistanê jî lehî rabû

Barîna baraneke zêde, bandoreke nerênî li Kurdistanê dike. Hat ragihandin ku li çend deverên Başûrê Kurdistanê lehî rabûye

A+A-

Malpera Rûdawê girtevîdyoyên balkêş belav kir ku asta metirsîdarîya lehîyê dide der.

Ji duh yekşemê ve pêleke bihêz a baranê berê xwe daye Herêma Kurdistanê, ji ber barana zêde li beşek ji deverên Kurdistanê lehî rabû.

 

 

Silêmanî

Berdevkê Berevaniya Şaristanî ya Silêmaniyê Rêkan Cemal: “Di encama wê barana zêde de av ketiye nav malên li du taxên bajêr. Li taxên Raperîn û Qulereysî tîmên me çûne hawara wan malan.”

Rêkan Cemal herwiha eşkere kir ku ji ber baranê li çend cadeyan asta avê bilind bûye û got: “Bi alîkariya tîmên şarevanî, em bi çareserkirina wê pirsgirêkê re mijûl in.”

 

 

Hewlêr

Rêveberê Berevaniya Şaristanî ya Hewlêrê Şiwan Ebdulqadir li ser vê mijarê diyar kir: “Tenê li taxên Seydawa û Gilkend lehî rabûye.

 

 

Lehiyê astenga hatûçûnê di navbera Silêmanî û Hewlêrê de çêkiriye

 Lehiyê astenga hatûçûnê li ser rêya navbera Silêmanî û Hewlêrê çêkiriye. Qeymeqamê Navçeya Dukanê Şaho Usman ragihand: “Ji bo gihiştina hawara xelkê, me hemû hêzên xwe li nav Dûkanê û li her pênc bajarokên wê, xistine rewşa amadebaşiyê.”

Şaho Usman herwiha diyar kir: “Di encama barana zêde de ku li navçeya me bariya, astenga hatûçûnê li ser rêya sereke ya Silêmanî û Hewlêrê çêbûye. Me Şarevaniya Bajarokê Pîremegrûn erkdar kiriye ku dest bi paqijkirina rêyan bikin, daku hatûçûna li ser wê rêya sereke asayî bibe.”

 

 

Li Dûkan, Kelar  û Derbendîxan deriyên dibistanan hatine girtin

Qeymeqamê Derbendîxanê Nasih Mela Hesen: “Ji ber barana zêde, bi neçarî me dewama navendên perwerdeyê da sekinandin. Li çendîn cihan astengiya hatûçûnê çêbûye, bi taybetî li ber tunelê ku ji ber barana zêde cihekî biçûk a çiya hilweşiyaye û cade hatiye girtin, tîmên şarevaniyê bi paqijkirina rêyan mijûl in.”

(Rûdaw)

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin