Li Amedê Weqfa Mafê Mirovan a Tahîr Elçî hat damezrandin

Li Amedê Weqfa Mafê Mirovan a Tahîr Elçî hat damezrandin

Li Amedê bi armanca ku têkoşînê li hember binpêkirinên mafên mirovan bike, bi Serokatîya Jina Elçîyî Turkan Elçî, Weqfa Mafên Mirovan a Tahîr Elçîyî hat damezrandin.

A+A-

tahir-elci-vakfi.jpg

Weqf bi beşdariya mafnas, nivîskar, rewşenbîr û siyasetmedaran bi resepsiyonekê hat danasîn. Seroka Weqfê Turkan Elçî di axaftina vekirinê de got; gelek caran li hemberî binpêkirinên mafên mirovan tenê zanabûn têrê nake, divê mirov xwedî wicdar û cesaret be jî.

Seroka Weqifa Mafê Mirovan a Tahîr Elçî Turkan Elçî got: "Armanca weqfa me ew e ku em di nava civakê de serbixwe bin û tenê heqîqetê biparêzin. Em ê zimanê aşitî û wekheviyê bikar bînin. Em ê bi vî zimanê xwe bigihînin hemû aliyên civakê û em ê bi dengê wijdan, edalet û biratiyê cîhanekê damezrînin. Em ê bi rêbazên demokratîk hewla çareserkirina pirsgirêkan bidin."

Di civîna danasîna weqfê de bi sînevîzyonekê qala jiyana Tahîr Elçî û têkoşîna wî ya li hember binpêkirinên mafên mirovan hat kirin. Elçî, ji bo aşitiya civakî jî têdikoşiya û ji bo çareserkirina Pirsgirêka Kurd jî di nav hewildanan de bû. Yek ji şêwirmendê weqfê parêzer Elî Bayram jî amaje kir di demeke ku binpêkirinên mafên mirovan zêde bûyîn de kêmasiya Tahîr Elçî xwe dide der.

d4g98d3w4aajqui.jpgd4g98d-xkaepov9.jpg

Ev nûçe 104 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin