Leyla Guven li meclîsa Tirkîyê sond xwar

Leyla Guven li meclîsa Tirkîyê sond xwar

Hevseroka KCD’ê Leyla Guven li meclisê sonda parlamenteriyê xwar û dest bi xebatên xwe kir

A+A-

Hevseroka KCD’ê Leyla Guven li meclisê sonda parlamenteriyê xwar  û dest bi xebatên xwe kir

Hevseroka Kongreya Civaka Demokratîk (KCD) û parlamentera Partiya Demokratîk a Gelan (HDP) a Colemêrgê Leyla Guven, piştî salekê li Lijneya Giştî ya Meclisê sond xwar.


Guven piştî axaftinên ji derveyî rojevê, derket kursî û sonda parlamenteriyê xwend. Parlamenterên HDP’ê û CHP’ê piştî Guven sond xwar li çepikan xistin. Guven êdî dikare tevlî xebatên lijneya giştî bibe û bibe endama komîsyonan.


Leyla Guven di 31’ê çileya 2018’an de hate girtin û dema ku di girtîgehê de, di 24’ê hezîranê de weke parlamentera HDP’ê ya Colemêrgê hate hilbijartin. Guven di 8’ê mijdarê de jî li Girtîgeha Tîpa E ya Amedê ji bo rakirina tecrîda li ser Abdullah Ocalan dest bi greva birçîbûnê ya bêdem û bêdorveger kiribû. Guven di roja 79’emîn a çalakiyê de jî hate berdan. Guven piştî ku hate berdan, çalakiya xwe li mala xwe ya li Rezan a Amedê berdewam kir. Guven li ser banga Ocalan jî di 26’ê gulanê de ango di roja 200’emîn de çalakiya xwe bi dawî kir

Ev nûçe 96 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin