• Diyarbakır 10 °C
  • Batman 11 °C
  • Hakkari 6 °C
  • Şırnak 9 °C
  • Ağrı 2 °C

Kurdên êzidî Çarşema Sor pîroz dikin

Kurdên êzidî Çarşema Sor pîroz dikin
PAKê bi daxuyanîyekê Cejna Çarşema Sor li hemû xuşk û birayên me yên Êzidî pîroz kir

Cejna serê salê ya kurdên êzidî, li gorî Salnameya Rojhilatî, her sal dikeve yekemîn çarşema heyva Nîsanê. Roja berî cejnê kurdên êzidî ji deverên cuda berê xwe didin perestgeha Laleşê û 366 çirayan pêdixin. Weke ew dibêjin, ev cejin cejna hemû mirovatiyê ye.

Parlemantoya Kurdistanê ji bo rêzgirtina êzdîtiyê, di sala 2010ê de biyar da, roja cejnê li hemî dezgehên fermî yên Kurdistanê bêhnvedana fermî be. 
sor-cejn.jpg

Buroya Çapemenî û Ragihandinê ya PAKê bi daxuyanîyekê Cejna Çarşema Sor li hemû xuşk û birayên me yên Êzidî pîroz kir.

Di daxuyanîyê de dibêje;

”Îro sersala nû ya xuşk û birayên me yên Kurdên Êzidî ye, îro roja Çarşemba Sor e, cejna hêkesorkê ye.

Di demeke ku birînên xuşk û birayên me yên Şingalê û yên hemû Êzidîyan hêdî hêdî tê alandin de, cejna hêkesorkê tê pîroz kirin.

Çawa ku bi berxwedan û qehremanîyeke mezin Şingal ji destê DAIŞê hate rizgar kirin; em bawer dikin ku Hikûmet û Parlamentoya Herêma Kurdistanê dê bi bernameyên taybet êş û birînên xuşk û birayên me yên Êzidî bialîne.Di Kurdistaneke serbixwe de hemû xuşk û birayên me yên Kurdên Êzidî jî bi taybetmendîyên xwe yên olî û kulturî ve, bi îradeya xwe ya azad dê bijîn.

Em hêvî dikin ku ev cejna Çarşema Sor li her perçeyên Kurdistanê, bibe sedema yêkîtîya neteweyî û bibe destpêka azadî, wekhevî, edalet, demokrasîyê û li başûrê Kurdistanê bibe destpêka serxwebûnê.”

Ev nûçe 5644 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din