Navenda Nûçeyan- Xwepêşandan û berxwedana gelê kurd li Rojhilatê Kurdistanê her wiha gelên Îranê li dijî rêjîma îslamî ya Îranê, ku ev çend roj in dest pê kirîye, didome. Heta niha gelek kuştî û birîndar hene û gelek kes jî hatine girtin.

Kurdên ku li Ewropa dijîn, xwe amade dikin roja çarşemê (20 vê mehê) li bajarên London (Brîtanya) û Yotoborî (Swêd) li ber balyozxane û konsolxaneya Îranê kom dibin û nerazîbûna xwe li dijî zilma komara îslamî li ser kurdan û piştevanîya xwe bo gelê kurd li Rojhilat nîşan didin.

Organîzatorên wan çalakîyan bi belavkirina belavokan daxwaz ji kurdan û dostên kurdan kirine roja çarşemê li wan bajaran kom bibin.

Li gorî amarên ne fermî, ji destpêka xwepêşandanan ve heta niha herî kêm 35 kes li Rojhilat ji alîyê hêzên Îranê ve hatine kuştin û bi sedan kes jî birîndar bûne û bi hezaran kes jî hatine girtin.

Çavkanî: Basnews