Cîgirê yekem yê sekreterê giştî yê YNK'ê Kosret Resûl Elî di derbarê daxuyanîya Serokê Herêma Kurdistanê Mesûd Barzanî de beyanek belav kir. Di beyanê de dihê gotin ku ew ê piştevaniya daxuyanîya Barzanî bike da ew bigihîje armanca xwe.
 
Daxuyanî weha ye;
 
"Di rewşa giran a Herêma Kurdistanê ku rastî rewşekî dijwar a siyasî û aborî hatiye, herwiha rastî metirsiyên giran û cûdabûnê li ser hene. Di wan şert û mercan de ku civaka gelê Kurdistanê pirsgirêkên jîyan û derbaskirinê roj bi roj nexweş û girantir dibe de, partiyên siyasî nikarîn li ser parastina destkeftên gelê me û berjewendiyên wê yên bilind alîkarê yek bibin.
 
Destpêşxêriya serok Barzanî ji aliyê wan şert û mercan de û ji aliyê erkên mezin ên kurd û Kurdistanê de xwedî nirxekî mezin e û deriyekî guncaw ji bo çareseriya pirsgirêkên siyasî yên Herêma Kurdistanê vedike, ku eger bi hişyarî û bi dilsozî bê cîhbicîh kirin, dikare pengavên pir baş bo çareserkirina aliyên aborî û jiyana xelkê gav bên avêtin.

Ji bo vê:
 
1-Ez bi navê xwe û hevalên xwe ve piştevaniya vê pêngavê dikim û bi hemû hêza xwe ve emê hewl bidin ev gav bigehe armanca xwe.
 
2-Ez daxwaz ji hemû tekoşerên YNKê dikim ku bi hemû hêza xwe ve piştevaniya çareseriya siyasî û aborî li destpêşxêriya Barzanî bikin û bibin hêzekî hişyar û dilsoz ji bo xizmeta gel û niştiman.
 
3-Hêvîdar im hemû partî û alî bi giyana li xwe borîn û hest kirina berpirsyariya dîrokî ve alîkarî bikin, ku ev destpêşxeriye bê kirin û pêngavên kêrhatî ve derbasbûna gelê me û Herêma Kurdistanê ya ji vê krîza metirs a hemû aliyê jiyana gelê me li xwe girtiye bê derbaskirin."